اسلام آباد الیکٹرک سپلائی کمپنی میں رشوت لے کر بھرتیاں کرنے کا انکشاف

اسلام آباد الیکٹرک سپلائی کمپنی میں بل ڈسٹری بیوٹرز کی 556 سیٹوں پر کروڑوں روپے رشوت لے کر بھرتیاں کرنے کاانکشاف ہوا ہے۔

تفصیلات کے مطابق آئیسکو کی مینجمنٹ نے شہریوں نوکریوں کے نام پر کروڑوں روپے بٹورتے ہوئے میرٹ کا قتل کردیا۔

گزشتہ دنوںآئیسکو میں 556 بل ڈسٹری بیوٹرز کی پوسٹیں شائع ہوئی تھیں، ذرائع نے بتایا ہے کہ آئیسکو کی مینجمنٹ نے من پسند اور کروڑوںروپے رشوت دینے والے افراد کو بھرتی کر لیا ہے۔

علاوہ ازیں مینجمنٹ نے ملازمین کے بچوں کے20فیصد کوٹہ پر بھی عام شہریوں کو بھاری رشوت کے عوض خلاف میرٹ بھرتی کر لیا ہے جس کی وجہ سے ملازمین سراپا احتجاج ہیں، اس حوالے سے ایم ایم نیوز نے 8 افراد کی تقرری کے لیٹرز بطور ثبوت حاصل کرلئے ہیں۔