گوگل نیوز پر ہمیں فالو کریںبالی وڈ اداکارہ عالیہ بھٹ کی سابق پرسنل اسسٹنٹ ویدیکا پرکاش شیٹی کو ایک بڑے مالی اسکینڈل میں گرفتار کیا گیا ہے، جن پر الزام ہے کہ انہوں نے 77لاکھ روپے سے زائد رقم پروڈکشن کمپنی اور ذاتی اکاؤنٹس سے غیر قانونی طریقے سے نکالی۔
فراڈ کا دورِ کار مئی 2022 سے اگست 2024 کے دوران تھا جب ویدیکا نے جعلی انوائسز تیار کر کے عالیہ بھٹ کے دستخط کروائے، یہ دعویٰ کرتے ہوئے کہ یہ اخراجات سفری اور کاروباری نوعیت کے ہیں۔ رقم ابتدا میں ساتھیوں کے اکاؤنٹس میں بھیجی گئی اور پھر ویدیکا کے پاس منتقل کی گئی ۔
کیس کی شروعات عالیہ بھٹ کی والدہ، سونی رازدان نے جنوری 2025 میں جمور پولیس میں شکایت درج کروائی جس کے بعد اندرونی آڈٹ شروع ہوا اور ویدیکا کو نوکری سے برخاست کر دیا گیا ۔
اس کیس کی سنگینی کا اندازہ اس بات سے بھی ہوتا ہے کہ ابتدائی طور پر ویدیکا نے برقی اشیاء اور تحائف چوری کیے تھے جس پر انہیں معاف کر کے کام جاری رکھنے دیا گیا تھا لیکن پھر مالی بے ضابطگیوں کے الزامات سامنے آئے ۔
ویدیکا فرار ہو گئیں اور پانچ مختلف علاقوں، منگلورو، راجستھان، پونے اور بنگلور میں نقل و حرکت کی، پانچ سم کارڈز استعمال کیے لیکن پولیس نے سوشل میڈیا اور دیگر ٹریسز کی بدولت انہیں بنگلور میں گرفتار کیا ۔
ویدیکا کو بنگلور سے گرفتار کرکے ممبئی منتقل کیا گیا اور سیشنز کورٹ نے ان کی ضمانت مسترد کر دی، بعد ازاں بومبے ہائی کورٹ نے بھی کوئی عبوری ریلیف نہیں دیا ۔
