گوگل نیوز پر ہمیں فالو کریںکرناٹک اور تلنگانہ کی سرحد پر واقع کرشنا ندی کے قریب ایک حیرت انگیز اور سنسنی خیز واقعہ پیش آیا، جہاں ایک خاتون نے مبینہ طور پر سیلفی لینے کے بہانے اپنے شوہر کو دریا میں دھکیل دیا۔
متاثرہ شخص، جس کی شناخت “تاتپا” کے نام سے ہوئی ہے، رائچور ضلع کا رہائشی ہے۔ وہ اپنی بیوی کے ہمراہ کرشنا ندی کے کنارے سیر کے لیے گیا تھا، جہاں اس کی بیوی نے اسے سیلفی لینے کا کہا، اور جیسے ہی وہ قریب آیا، اچانک دھکا دے کر اسے ندی میں گرا دیا۔
تاتپا دریا کے تیز بہاؤ میں کچھ فاصلے تک بہتا رہا، تاہم خوش قسمتی سے وہ ایک جگہ جا کر پتھروں کے درمیان پھنس گیا۔ وہاں موجود مقامی افراد نے صورتحال کو بھانپتے ہوئے فوری کارروائی کی اور رسی کے ذریعے اسے بحفاظت پانی سے باہر نکال لیا۔
دلچسپ پہلو یہ ہے کہ خاتون نے بعد میں دعویٰ کیا کہ تاتپا ندی میں حادثاتی طور پر گر گیا تھا، لیکن عینی شاہدین کے بیانات اور واقعے کی نوعیت نے اس دعوے پر سوالات اٹھا دیے ہیں۔
پولیس کی جانب سے معاملے کی تفتیش جاری ہے تاکہ واقعے کی حقیقت کا مکمل طور پر پتہ لگایا جا سکے۔
