گوگل نیوز پر ہمیں فالو کریںدنیا میں آئے دن عجیب و غریب واقعات پیش آتے رہتے ہیں، ایک ایسے ہی واقعے میں ایک شخص نے بیوی کو طلاق دینے کے بعد دودھ سے نہا کر اپنی آزادی کا جشن منایا ہے، جس کی ویڈیو وائرل ہو رہی ہے۔
غیر ملکی میڈیا کے مطابق یہ واقعہ بھارتی ریاست آسام میں پیش آیا، جہاں مانک علی نامی شخص نے اپنی طویل عرصے سے منتظر ”آزادی“ کو ایک انوکھے طریقے سے منانے کا فیصلہ کیا۔ مانک علی نے اپنی بیوی سے قانونی طور پر علیحدہ ہونے (طلاق لینے) کے بعد دودھ سے نہا کر جشن منایا۔
بھارتی میڈیا کے مطابق ایک وائرل ویڈیو میں بھارتی شہری کو اپنے گھر کے باہر پلاسٹک کی چادر پر دودھ کی چار بالٹیوں کے ساتھ کھڑے ہوئے دیکھا جا سکتا ہے۔ مذکورہ شخص ایک کے بعد ایک دودھ سے بھری بالٹی اپنے اوپر ڈال کر جشن آزادی مناتا ہے۔
View this post on Instagram
ویڈیو میں مانک علی نے خوشی کا اظہار کرتے ہوئے کہا کہ آج سے میں آزاد ہوں۔ اس ویڈیو نے سوشل میڈیا پر تیزی سے مقبولیت حاصل کی اور صارفین نے دلچسپ تبصرے کیے۔
ویڈیو میں مانک کا اپنی بیوی کے متعلق کہنا تھا کہ وہ ہمیشہ اپنے عاشق کے ساتھ بھاگ جاتی تھی۔ میں نے خاندان کے سکون کے لیے خاموش رہ کر اسے برداشت کیا۔
مقامی افراد کے مطابق مانک علی کی بیوی نے پہلے بھی کم از کم دو بار فرار ہو کر علیحدگی اختیار کرنے کی کوشش کی تھی، جس کے بعد دونوں نے باہمی طور پر اپنی شادی کو قانونی طور پر ختم کرنے کا فیصلہ کیا۔
مانک علی کا کہنا تھا کہ میرے وکیل نے مجھے کل بتایا تھا کہ طلاق حتمی ہو چکی ہے۔ تو آج میں اپنی آزادی کا جشن دودھ میں نہا کر منا رہا ہوں۔
یہ ویڈیو سوشل میڈیا پر تیزی سے پھیل گئی، اور لوگوں نے اس پر اپنے ردعمل کا اظہار کیا۔ کچھ لوگوں نے اس عمل کو غیر معمولی اور منفرد طریقہ جشن قرار دیا، جبکہ دیگر نے اس پر مذاق بھی اڑایا۔
