گوگل نیوز پر ہمیں فالو کریںشہر قائد میں آج موسم جزوی طور پر ابر آلود رہنے کا امکان ہے جبکہ سمندری ہواؤں کی واپسی کے باوجود ان کی کم رفتار حبس کی کیفیت کو بڑھا رہی ہے۔ محکمہ موسمیات کے مطابق کراچی کا موسم آئندہ چند روز تک مرطوب اور ابر آلود رہے گا جبکہ صبح اور رات کے اوقات میں ہلکی بوندا باندی بھی ہو سکتی ہے۔
محکمہ موسمیات کے مطابق آج کراچی کا زیادہ سے زیادہ درجہ حرارت 35 ڈگری سینٹی گریڈ تک جا سکتا ہے جبکہ ہوا میں نمی کا تناسب 75 فیصد ریکارڈ کیا گیا ہے۔ جنوب مغربی سمت سے چلنے والی ہوائیں ہلکی رفتار سے جاری ہیں، جس سے شہر میں حبس کی کیفیت نمایاں ہے۔
محکمہ موسمیات نے واضح کیا ہے کہ رواں ہفتے کراچی میں تیز بارش کا کوئی امکان نہیں ہے۔ تاہم ہلکی کہیں کہیں بوندا باندی سے شہریوں کو کچھ راحت مل سکتی ہے۔ سمندری ہواؤں کی بحالی کے باوجود ان کی کم رفتار موسم کو گرم اور مرطوب رکھے ہوئے ہے۔
محکمہ موسمیات نے شہریوں کو مشورہ دیا ہے کہ وہ حبس اور گرمی سے بچنے کے لیے پانی کا زیادہ استعمال کریں اور دھوپ میں غیر ضروری طور پر باہر نکلنے سے گریز کریں۔ شہری اپنے روزمرہ کے معمولات کو موسم کے مطابق ترتیب دیں تاکہ گرمی اور نمی سے بچا جا سکے۔
