گوگل نیوز پر ہمیں فالو کریںپاکستان کی صفِ اول کی اداکارہ ہانیہ عامر ایک بار پھر اپنی دلکش شخصیت اور جاندار انداز سے مداحوں کی توجہ کا مرکز بن گئیں، انہوں نے گلوکار عاصم اظہر کے پرجوش کنسرٹ میں شرکت کی جو نہ صرف موسیقی کا شاندار مظاہرہ تھا بلکہ سلیبریٹیز کی چمک دمک سے بھی جگمگا اٹھا۔
ہانیہ عامر کو اس موقع پر اپنی قریبی دوست اور مشہور اداکارہ یشما گل کے ہمراہ اسٹیج کے قریب رقص کرتے دیکھا گیا جہاں دونوں نے موسیقی کی دھنوں پر ایسے جھوم کر رقص کیا کہ دیکھنے والے جھوم اٹھے۔ کنسرٹ کا ماحول پہلے ہی زبردست تھا مگر ہانیہ اور یشما کی موجودگی نے محفل کو مزید رنگین بنا دیا۔
مداحوں نے ان لمحات کو کیمروں میں قید کر کے سوشل میڈیا پر شیئر کیا جہاں ہانیہ کی خوشگوار طبیعت کھلکھلاتی ہنسی اور خود اعتمادی کو بھرپور سراہا گیا۔
View this post on Instagram
کچھ صارفین نے تبصرہ کیا کہ ہانیہ کی موجودگی کسی بھی ایونٹ میں جان ڈال دیتی ہےجبکہ دیگر نے لکھا کہ یہ دونوں دوست ایک دوسرے کی انرجی بڑھاتی ہیں۔
یہ پہلی بار نہیں کہ ہانیہ عامر نے کسی پبلک ایونٹ میں اس قدر جاندار انداز میں شرکت کی ہو مگر عاصم اظہر کے کنسرٹ میں ان کی موجودگی کو سوشل میڈیا صارفین نے ایکسٹرا اسپارک قرار دیا۔
