گوگل نیوز پر ہمیں فالو کریںاگر آپ اپنا پرس پینٹ کی پچھلی جیب میں رکھتے ہیں تو یہ عادت آپ کی صحت کے لیے نقصان دہ ثابت ہو سکتی ہے۔ یہ ایک معمولی سی عادت لگتی ہے لیکن اس کے سنگین نتائج ہو سکتے ہیں جو آپ کی سوچ سے کہیں زیادہ شدید ہو سکتے ہیں۔
صحت پر اثرات
جب آپ اپنا پرس پچھلی جیب میں رکھ کر بیٹھتے ہیں خاص طور پر لمبے عرصے تک تو یہ آپ کی ریڑھ کی ہڈی، کولہوں اور پٹھوں پر غیر ضروری دباؤ ڈالتا ہے۔ اس سے نہ صرف کمر درد بلکہ ٹانگوں اور کولہوں میں بھی تکلیف ہو سکتی ہے۔
ماہرین کے مطابق یہ عادت فیٹ والیٹ سنڈروم کا باعث بن سکتی ہے جو کہ ایک ایسی حالت ہے جس میں اعصاب اور پٹھوں پر دباؤ کی وجہ سے سائیٹیکا جیسا شدید درد ہو سکتا ہے۔
جب آپ پرس کے ساتھ پچھلی جیب میں بیٹھتے ہیں تو آپ کا ایک کولہا قدرے بلند ہو جاتا ہے، جس سے جسم کا توازن بگڑتا ہے۔ یہ عدم توازن ریڑھ کی ہڈی کو ایک طرف جھکنے پر مجبور کرتا ہے جو وقت کے ساتھ اس کی ساخت کو متاثر کر سکتا ہے۔ نتیجتاً، کمر، کولہوں اور ٹانگوں میں درد کی شکایات بڑھ سکتی ہیں۔
طبی تحقیقات سے پتہ چلتا ہے کہ یہ عادت مسلسل دباؤ کی وجہ سے اعصاب پر منفی اثرات مرتب کرتی ہے جس سے سائیٹیکا جیسے مسائل جنم لے سکتے ہیں۔ موٹا یا بھاری پرس اس نقصان کو اور بھی بڑھا دیتا ہے۔
بچاؤ کے طریقے
ماہرین صحت اس عادت سے بچنے کے لیے درج ذیل مشورے دیتے ہیں۔
پرس کو سامنے کی جیب یا بیگ میں رکھیں اس سے جسم پر غیر ضروری دباؤ نہیں پڑتا۔
ہلکا اور چھوٹا پرس استعمال کریں اور غیر ضروری اشیا کو پرس سے ہٹائیں تاکہ اس کا وزن کم ہو۔
بیٹھنے کی پوزیشن تبدیل کریں زیادہ دیر تک ایک ہی حالت میں نہ بیٹھیں اور وقفے وقفے سے اٹھیں۔
فزیوتھراپی ورزشیں کریں: پیریفورمس اسٹریچنگ اور دیگر اسٹریچنگ ورزشیں پٹھوں کے تناؤ کو کم کرنے میں مددگار ہیں۔
ڈاکٹر سے مشورہ: اگر درد برقرار رہے تو فوری طور پر ماہر سے رجوع کریں۔
پینٹ کی پچھلی جیب میں پرس رکھنا ایک ایسی عادت ہے جو بظاہر معمولی لیکن صحت کے لیے خطرناک ہو سکتی ہے۔ اس سے بچنے کے لیے اپنی عادات میں چھوٹی سی تبدیلی لا کر آپ اپنی ریڑھ کی ہڈی اور مجموعی صحت کی حفاظت کر سکتے ہیں۔ پرس کو بیگ یا سامنے کی جیب میں منتقل کریں اور صحت مند زندگی کی طرف قدم بڑھائیں۔
