گوگل نیوز پر ہمیں فالو کریںپنجاب اس وقت ایک تباہ کن سیلابی صورتحال سے دوچار ہے، جس کی وجہ شدید بارشیں اور بھارت کی جانب سے دو ڈیموں سے پانی چھوڑنے کا اقدام ہے۔
پنجاب کے سرکاری حکام نے دریاؤں کے کنارے بسنے والے ہزاروں لوگوں کو محفوظ مقامات پر منتقل کیا ہے کیونکہ دریائے چناب، راوی اور ستلج میں بھارت کی جانب سے پاکستان میں پانی چھوڑنے کے بعد “انتہائی بلند” سطح کے سیلاب کی صورتحال پیدا ہوگئی ہے۔
لاہور، نارووال، سیالکوٹ، حافظ آباد، قصور، فیصل آباد، اوکاڑہ اور سرگودھا کو سیلاب کا خطرہ لاحق ہے۔ سیالکوٹ اور نارووال پہلے ہی شدید سیلاب کی زد میں ہیں۔
بدھ 27 اگست کو بھارت نے شدید بارشوں کے بعد مقبوضہ کشمیر میں دریاؤں پر بنے بڑے ڈیموں کے تمام اسپل ویز کھول دیے ہیں اور پاکستان کو نشیبی علاقوں میں ممکنہ سیلاب کے خطرے سے خبردار کیا ہے۔
بعد ازاں وزارتِ آبی وسائل نے ایک انتباہ جاری کیا، جس میں تین دریاؤں ستلج، راوی اور چناب میں ممکنہ سیلاب کی نشاندہی کی گئی ہے جو بھارت سے پاکستان میں داخل ہوتے ہیں۔
