گوگل نیوز پر ہمیں فالو کریںنیشنل ڈیزاسٹر مینجمنٹ اتھارٹی (این ڈی ایم اے) نے ملک کے مختلف علاقوں پر اثر انداز ہونے والی درمیانی اور موسلا دھار بارشوں کی پیشگوئی کی ہے۔ اس دوران پنجاب، سندھ، خیبرپختونخوا، بلوچستان، گلگت بلتستان اور آزاد کشمیر میں مختلف درجات کی بارش ممکن ہے۔
کون کس دن خطرے میں؟
پنجاب (شمالی و شمال مشرقی اضلاع): 30–31 اگست کو راولپنڈی، اٹک، جہلم، چکوال، لاہور، گوجرانوالہ، سیالکوٹ، گجرات، نارووال، حافظ آباد اور منڈی بہاؤالدین میں بھاری بارش کا امکان ہے۔
وسطی و جنوبی پنجاب: ملتان، ڈی جی خان، راجن پور، لیہ، بھکر، ساہیوال، بہاولپور، بہاولنگر، اور رحیم یار خان میں 29–31 اگست تک بارش کا خدشہ ہے، خاص طور پر نشیبی علاقوں میں سیلاب کا خطرہ بڑھ سکتا ہے۔
خیبرپختونخوا اور ہزارہ/ملاکنڈ ڈویژن: 29–31 اگست تک شدید بارشوں کا امکان ہے، جب کہ پہاڑی یا خطرناک علاقوں میں زمین کے سلائڈ یا لینڈ سلائیڈنگ کا خطرہ رہتا ہے۔
آزاد کشمیر: مظفرآباد، باغ، حویلی، کوٹلی، میرپور، اور بھمبر میں 29 اگست تا 2 ستمبر شدید بارشیں متوقع ہیں۔
گلگت بلتستان: گلگت، سکردو، ہنزہ، دیامر، استور، غذر، اور گانچھے میں 29–31 اگست کے درمیان بارش اور لینڈ سلائیڈنگ کا خطرہ ہے۔
سندھ (کراچی و اندرونی اضلاع): کراچی میں 30 اگست تا 2 ستمبر کے دوران بارش متوقع ہے جو سیلابی صورتحال پیدا کر سکتی ہے۔ نیز ٹھٹہ، سجاول، بدین، تھرپارکر، حیدرآباد، دادو، سکھر، گھوٹکی، لاڑکانہ، جیکب آباد، اور کشمور میں بھی 30 اگست تا 1 ستمبر تک موسلا دھار بارشوں کا امکان ہے۔
بلوچستان (جنوبی حصے): گوادر، کیچ، پنجگور، خضدار، لسبیلہ، اور قلات میں 29 اگست تا 1 ستمبر بارش کی پیشگوئی ہے۔
