گوگل نیوز پر ہمیں فالو کریںبھارتی فلم انڈسٹری کی معروف اداکارہ کاجل اگروال نے حال ہی میں اپنی چھٹیوں کی تصاویر سوشل میڈیا پر شیئر کرکے سب کی توجہ حاصل کر لی ہے۔ 40 سالہ یہ اداکارہ مالدیپ کے خوبصورت ساحلوں پر مونوکینی میں نہ صرف بولڈ اور اسٹائلش نظر آئیں بلکہ اپنے شوہر کے ساتھ رومانٹک لمحات نے بھی مداحوں کو متاثر کیا۔
کاجل اگروال جلد ہی فلم رامائن میں مندودری کا کردار ادا کرتی نظر آئیں گی جس نے ان کے پرستاروں میں جوش و خروش پیدا کر دیا ہے تاہم اس وقت ان کی مالدیپ کی تعطیلات کی تصاویر سوشل میڈیا پر موضوع بحث بنی ہوئی ہیں۔
ان تصاویر میں کاجل سمندر کے کنارے، پول میں اور پانی کے اندر مختلف پوز دیتے ہوئے اپنے گلیمرس انداز کا مظاہرہ کر رہی ہیں۔
ایک تصویر میں کاجل سمندر کی لہروں کے ساتھ کھیلتی ہوئی پرسکون اور قدرتی خوبصورتی کے ساتھ نظر آئیں۔ دوسری تصویر میں ان کا سائیڈ پوز چشمے کے ساتھ نہایت پرکشش اور جدید لگ رہا ہے۔
مالدیپ کے نیلے پانیوں اور سورج کی کرنوں کے درمیان کاجل کا ڈرامائی انداز ان کی تصاویر کو اور بھی دلکش بنا رہا ہے۔ خاص طور پر ان کی ایک تصویر جس میں وہ اپنے شوہر کے ساتھ پانی کے اندر رومانٹک پوز دے رہی ہیں نے مداحوں کے دل جیت لیے ہیں۔
کاجل کا یہ اسٹائلش اور بے باک انداز نہ صرف ان کی فیشن سینس کو اجاگر کرتا ہے بلکہ ان کی فلم رامائن کے کردار کے حوالے سے بھی شائقین کے جوش کو بڑھا رہا ہے۔ مداح اب ان کی آنے والی فلم اور مزید گلیمرس لمحات کے منتظر ہیں۔
