گوگل نیوز پر ہمیں فالو کریںاسپن بولدک و چمن سیکٹر میں پاک فوج کی کارروائیوں کے بعد افغان طالبان نے جنگ بندی کی درخواست کردی ہے۔
پاک فوج کے شعبہ تعلقات عامہ (آئی ایس پی آر) نے کہا ہے کہ بلوچستان کے اسپن بولدک و چمن سیکٹر میں افغان طالبان اور فتنہ الخوارج کی جانب سے کی جانے والی کارروائیوں کے جواب میں مسلح افواج نے مؤثر جوابی آپریشن کیے ہیں جن کے نتیجے میں متعدد عسکری اہداف نشانہ بنائے گئے اور حملہ آوروں کو پسپا ہونا پڑا۔
آئی ایس پی آر نے ان سوشل میڈیا ویڈیوز کو من گھڑت قرار دیتے ہوئے واضح کیا کہ افغان طالبان نے اجتماعی طور پر پاک فوج کے ہتھیار قبضے میں لینے یا دیگر دعوے پھیلانے کے لیے جھوٹی ویڈیوز شائع کیں، جن کی صداقت نہیں ہے۔
ان بیانات کے مطابق اسپن بولدک میں چلائی گئی کارروائیوں کے دوران چار مقامات پر کیے گئے حملوں کو ناکام بنایا گیا اور ابتدائی طور پر 15 سے 20 افغان طالبان ہلاک ہونے کی اطلاعات موصول ہوئی ہیں۔
آئی ایس پی آر نے مزید بتایا کہ فتنہ الخوارج اور طالبان کے متعدد ٹھکانوں، پوسٹس اور زرہ کچھ ٹینک اور عملہ کو بھی نشانہ بنایا گیا جبکہ کرم سیکٹر میں ہونے والی کوششوں کو بھی ناکام بنایا گیا۔
ایک اور بیان میں کہا گیا کہ گزشتہ آپریشن میں آٹھ عسکری پوسٹس اور چھ ٹینک بمعہ عملہ تباہ کیے گئے اور 25 سے 30 جنگجو ہلاک ہونے کی اطلاعات سامنے آئی ہیں تاہم حتمی شواہد اور تفصیلی جائزے کے بعد درست اعداد و شمار سامنے لائے جائیں گے۔
ادارے نے زور دے کر کہا کہ یہ کارروائیاں محض مقامی دفاع اور سرحدی خودمختاری کے تحفظ کے تحت کی گئیں اور یہ دعویٰ کہ پاکستان نے جارحیت شروع کی، سراسر بے بنیاد ہے۔
عسکری ذرائع نے بتایا ہے کہ پاک فوج کی جوابی کارروائی کے بعد افغان طالبان کی قیادت نے جنگ بندی کی درخواست کی ہے اور امن کی کوششوں کے حوالے سے رابطے یا مذاکرات کی ممکنہ شرائط تفتیشی اور سیکورٹی طبقات کے جائزے کے دائرہ کار میں ہوں گی۔
آئی ایس پی آر نے عوام سے اپیل کی کہ وہ سوشل میڈیا پر گردش کرنے والی غیر مصدقہ ویڈیوز اور اطلاعات پر اعتماد نہ کریں اور تمام تصدیق شدہ معلومات کے لیے سرکاری بیانات اور متعلقہ اداروں کے اعلانات کا انتظار کریں۔
ادارے نے واضح کیا ہے کہ پاکستانی مسلح افواج ملکی خودمختاری کے دفاع اور عوام کے تحفظ کے لیے ہر وقت تیار ہیں اور ضرورت پڑنے پر مؤثر دفاعی کارروائیاں جاری رکھی جائیں گی۔
