پورا مہینہ بور ہونے کی بالکل اجازت نہیں! جانتے ہیں نومبر میں نیٹ فلیکس پر کیا کیا آنیوالا ہے؟ مکمل تفصیلات

سال 2025 کے اختتام کے قریب پہنچتے ہوئے نیٹ فلیکس نے نومبر کے لیے ناظرین کے لیے ایک اور نیا اور دلچسپ سلسلہ پیش کرنے کا اعلان کیا ہے۔ جیسے جیسے موسم سرد ہوتا جا رہا ہے، فلموں اور سیریز کو بنج واچ کرنے کا بہترین وقت بھی آ پہنچا ہے۔

اکتوبر میں نیٹ فلیکس نے ہالووین اور خوفناک موضوعات پر مبنی فلموں کی بڑی تعداد جاری کی تھی، مگر اب دسمبر کی آمد کے ساتھ ہی کرسمس کے خوشگوار موسم کے لیے خصوصی فلموں، کامیڈی رومانسز اور خاندانی تفریحی شوز کا طوفان آنے والا ہے۔

ان کے ساتھ کئی بڑے پراجیکٹس بھی شامل ہیں، جیسے گیلیمرو ڈیل ٹورو کی فرینکینسٹائن ، ہالی وُڈ کی مشہور سیریز کا اختتامی سیزن اسٹرینجر تھنگز ، اور ڈی سی ای یو کی آخری فلم اکوامین اینڈ دی لاسٹ کنگڈم ۔

یکم نومبر
ماہِ نومبر کا آغاز نیٹ فلیکس پر فلموں کے ایک بڑے مجموعے سے ہو رہا ہے۔ ان میں مشہور فلم سیریز بیک ٹو دی فیوچر کے تین حصے، ایس وینچیورا ، ہیینگ اوور ٹرائیلوجی، کريزی رچ ایشیئنز ، پیاڈنگٹن 2 اور ڈاکٹر سلیپ شامل ہیں۔

ڈاکٹر سلیپ، اسٹیفن کنگ کے ناول پر مبنی ایک مشہور فلم ہے جسے ڈائریکٹر مائیک فلینیگن نے تخلیق کیا۔ اس فلم میں ایون میک گریگر بالغ ڈینی ٹورنس کا کردار ادا کرتے ہیں جو اپنے ماضی کے خوفناک سائے اور اندرونی شیطانوں سے لڑتا ہے۔

یہ فلم دی شائننگ کا روحانی تسلسل ہے، اور تنقید نگاروں کے مطابق، یہ ان چند نایاب فلموں میں سے ہے جو خوف اور نجات کے موضوعات کو کامیابی سے یکجا کرتی ہیں۔

دو نومبر
اس دن دو اہم فلمیں شامل ہوں گی، کنگ رچرڈ ، جس میں ول اسمتھ نے ٹینس اسٹارز وینس اور سیرینا ولیمز کے والد کا کردار ادا کیا، ایک متاثر کن کہانی جو عزم، تربیت اور خاندانی قربانیوں پر مبنی ہے۔دوسری فلم دی آؤٹ فٹ ایک سسپنس تھرلر ہے جو نیٹ فلیکس پر دستیاب ہوگی۔

تین نومبر
بچوں کے لیے ڈاکٹر سیوس کی کہانی دی سنیچز پر مبنی نئی سیریز شامل ہو رہی ہے، جس میں تفریق اور قبولیت کے خوبصورت پیغامات ہیں۔

اسی روز ایک دستاویزی فلم ان ویوز اینڈ وار بھی ریلیز ہو گی جو ریٹائرڈ نیوی سیلز کے علاج کے لیے نفسیاتی تجربات پر روشنی ڈالتی ہے۔

چار نومبر
اسکویڈ گیم: دی چیلنج کا دوسرا سیزن ریلیز ہوگا۔ اس ریئلٹی شو میں 456 نئے شرکاء 4.56 ملین ڈالر کے انعام کے لیے خطرناک مراحل سے گزریں گے۔

اس کے علاوہ کامیڈین لیان مورگن کا خصوصی شو ان اسپیک ایبل تھنگز اور ڈراما سیریز منکس کے دونوں سیزن بھی شامل ہوں گے۔

چھ نومبر
ایک نئی محدود سیریز ڈیتھ بائی لائٹننگ میں مائیکل شینن امریکی صدر جیمز گارفیلڈ کا کردار ادا کر رہے ہیں۔

یہ چار اقساط پر مشتمل تاریخی سیریز امریکی سیاست کی پیچیدگیوں، اقتدار کی کشمکش اور قتل کی کہانی بیان کرتی ہے۔ساتھ ہی دی بیڈ گائز، بریکنگ ان نامی اینی میٹڈ سیریز بھی پیش کی جا رہی ہے، جو مشہور فلم کا پیش خیمہ ہے۔

سات نومبر
اس دن گیلیمرو ڈیل ٹورو کی طویل عرصے سے زیرِ تکمیل فلم فرینکینسٹائن ریلیز ہوگی۔

اس فلم میں آسکر آئزک اور جیکب ایلورڈی نے مرکزی کردار ادا کیے ہیں۔ فلم کو نقادوں نے میری شیلی کے اصل ناول کے قریب ترین اور جذباتی انداز میں تخلیق کیا ہوا شاہکار قرار دیا ہے۔

نیٹ فلیکس انڈیا کی فلم بارہ مُلا ، کوریا کی ایز یو اسٹوڈ بائی اور ڈنمارک کی مینگو بھی اسی دن ریلیز ہوں گی۔

آٹھ نومبر
کاؤنٹ ڈاؤن: جیک بمقابلہ ٹینک نامی خصوصی سیریز دونوں باکسرز کی فائٹ سے قبل ان کی تیاریوں کو دکھائے گی۔

دس نومبر
سیسمی اسٹریٹ کا نیا اور جدید 56واں سیزن ریلیز ہوگا۔ اس بار اسے سیسمی اسٹریٹ ری امیجنڈ کے نام سے پیش کیا جا رہا ہے۔

گیارہ نومبر
کرسمس کے آغاز کی علامت کے طور پر تین فلمیں ریلیز ہوں گی، گوستنگ،دی اسپرٹ آف کرسمس ، نو سلیپ ٹل کرسمس اور سیم ٹائم، نیکسٹ کرسمس ۔

بارہ نومبر
ڈاکومنٹری بینگ ایڈی، رومانوی فلم ڈائنامائٹ کس ، اور سیریز سیلنگ دی او سی کا چوتھا سیزن ریلیز ہوگا۔

تیرہ نومبر
اہم ریلیزز میں دہ بیسٹ ان می شامل ہے، جس میں کلیئر ڈینز اور میٹھیو ریس مرکزی کردار ادا کر رہے ہیں۔

اس کے علاوہ مشہور جاپانی مانگا پر مبنی منی سیریز لاسٹ سامرائی اسٹینڈنگ ، بھارتی سیریز دہلی کرائم کا تیسرا سیزن، اور مولان رُوج جیسی کلاسک فلم بھی دوبارہ شامل ہوگی۔

چودہ نومبر
جیک پال بمقابلہ ٹینک ڈیوس کی فائٹ براہِ راست نیٹ فلیکس پر نشر ہوگی۔اسی روز نوویل واؤگ نامی فلم بھی ریلیز ہو گی، جو فرانسیسی ڈائریکٹر ژاں لُک گوڈار کی تاریخی فلم بریتھ لیس کی تیاری پر مبنی ہے۔ یہ فلم ہدایتکار رچرڈ لنکلیٹر کا نیٹ فلیکس کے ساتھ دوسرا تعاون ہے۔

پندرہ نومبر
نومبر کے وسط سے نیٹ فلیکس پر کرسمس فلموں کی بہار آ جائے گی، جیسے اے رائل ڈیٹ فار کرسمس ، اے وائن یارڈ کرسمس ، کرسمس کاسانووا اور میٹ می ایٹ دی کرسمس ٹرین پریڈ ۔

سترہ نومبر
ڈی سی ای یو کی فلم بلو بیٹل نیٹ فلیکس پر آئے گی۔

ساتھ ہی بچوں کی مقبول سیریز گیبیز ڈول ہاؤس کا نیا سیزن بھی ریلیز ہو گا، اور موسیقی پر مبنی سیریز سلینا و لوس دینوس بھی شامل ہے۔

انیس نومبر
دی کارمن فیملی ڈیتھز ایک دستاویزی کرائم کہانی ہے جو ایک خاندانی سانحے اور قتل کے شبہات پر مبنی ہے۔اسی دن رومانوی فلم شیمپین پرابلمز اور سیریز انویس کا تیسرا سیزن بھی نشر ہوگا۔

بیس نومبر
جراسک ورلڈ: کیاس تھیوری کے چوتھے سیزن کے ساتھ گریٹ برٹش بیکنگ شو کی تعطیلاتی قسطیں بھی شامل ہوں گی۔

اکیس نومبر
نیٹ فلیکس پر ون شاٹ ود ایڈ شیرن کے نام سے ایک منفرد لائیو شو پیش ہوگا، جس میں معروف گلوکار نیویارک میں مداحوں کے ساتھ براہِ راست گاتے دکھائی دیں گے۔

اسی دن ٹرین ڈریمز نامی فلم بھی ریلیز ہوگی جو امریکہ کی ابتدائی صدی کی معاشرتی تبدیلیوں پر مبنی ہے۔

چھبیس نومبر
دنیا بھر کے شائقین کے لیے سب سے بڑا لمحہ — اسٹرینجر تھنگز کے پانچویں اور آخری سیزن کا پہلا حصہ ریلیز ہوگا۔

یہ سیریز اب اپنے اختتامی مرحلے میں داخل ہو رہی ہے، جس میں اپ سائیڈ ڈاؤن کی طاقتوں سے حتمی جنگ دکھائی جائے گی۔
پہلا حصہ 26 نومبر کو، دوسرا کرسمس کے روز اور آخری قسط نئے سال کی شام ریلیز ہوگی۔

ستائیس نومبر
اکوامین اینڈ دی لاسٹ کنگڈم ڈی سی ای یو کی آخری فلم کے طور پر نیٹ فلیکس پر دستیاب ہوگی۔

اٹھائیس نومبر
ماہِ نومبر کا اختتام دو تخلیقی فلموں سے ہوگا ، لیفٹ ہینڈڈ گرل ، جو مکمل طور پر آئی فون پر فلمائی گئی ہے اور دی سٹرنگر: دی مین ہو ٹک دی فوٹو ۔

نیٹ فلیکس نومبر میں کلاسک ہالی وُڈ فلموں، تاریخی سیریز، بچوں کے پروگرام، کرسمس رومانوی کہانیوں، اور خوفناک و سسپنس بھرے ڈراموں کا ایسا امتزاج لا رہا ہے جو ہر ذوق کے ناظرین کے لیے کچھ نہ کچھ پیش کرے گا۔