کے پی کے کابینہ نے نو مئی کیسز ہوا میں اڑا دیے، ختم کرنے کی منظوری

خیبر پختونخوا کابینہ نے سانحہ 9 مئی کے حوالے سے قائم کیسز کے خاتمے کی منظوری دیدی، کابینہ نے 9 مئی واقعات کی انکوائری کیلئے کمیٹی تشکیل دینے کی بھی منظوری دی۔

ایڈووکیٹ جنرل خیبر پختونخوا شاہ فیصل اتمان خیل نے نجی چینل کو بتایا کہ صوبائی کابینہ اجلاس میں 9 مئی کیسز کے خاتمے کی منظوری دے دی گئی ہے اور 51 مقدمات میں ریاست کابینہ کی منظوری کے بعد دستبردار ہوگی۔

9 مئی کے واقعات کی تحقیقات کے لیے کمیٹی تشکیل دینے کی منظوری بھی دے دی گئی ہے۔ کابینہ اجلاس میں شرکت کے لیے وزیر اعلیٰ نے انہیں خصوصی طور پر طلب کیا تھا۔

سرکاری ذرائع کا کہنا ہے کہ ایڈووکیٹ جنرل آفس نے 51 مقدمات واپس لینے کی سفارشات بھیج دیں، پی ٹی آئی ارکان اور کارکنان 9 اور 10 مئی کے مقدمات میں نامزد ہیں، مقدمات میں سزا کی صورت میں اراکین اسمبلی کو نااہلی کا خدشہ ہے۔