گوگل نیوز پر ہمیں فالو کریںوزارت خارجہ نے ایران میں جاری بڑھتی ہوئی بدامنی، احتجاجات اور سیکیورٹی خطرات کے پیش نظر پاکستانی شہریوں کے لیے ٹریول ایڈوائزری جاری کر دی ہے۔
عہدیداروں کے مطابق، پاکستانی شہریوں کو اپنی حفاظت اور سلامتی کے لیے حالات بہتر ہونے تک اسلامی جمہوریہ ایران کے تمام غیر ضروری سفر سے گریز کرنے کی ہدایت کی گئی ہے۔
🔊PR No.1️⃣3️⃣/2️⃣0️⃣2️⃣6️⃣
Travel Advisory for Pakistani Nationals Regarding Iran
🔗⬇️ pic.twitter.com/YmH4PwmrCp— Ministry of Foreign Affairs – Pakistan (@ForeignOfficePk) January 10, 2026
ایران میں موجود پاکستانی شہریوں سے اپیل کی گئی ہے کہ انتہائی احتیاط برتیں، مسلسل چوکس اور ہوشیار رہیں جبکہ غیر ضروری نقل و حرکت کم سے کم کریں۔ مقامی خبروں پر نظر رکھیں اور مقامی حکام کی ہدایات کی پابندی کریں۔ قریب ترین پاکستانی سفارتی مشن (تہران، زاہدان اور مشهد) سے باقاعدہ رابطے میں رہیں
وزارت خارجہ نے کہا ہے کہ یہ ایڈوائزری عارضی ہے اور صورتحال کی بنیاد پر اس کا باقاعدہ جائزہ لیا جائے گا۔ ہنگامی صورتحال میں پاکستانی سفارتخانہ تہران کے بحران انتظامی یونٹ سے رابطہ کیا جا سکتا ہے۔
یہ اقدام حکومت پاکستان کی جانب سے اپنے شہریوں کی بیرون ملک حفاظت کو یقینی بنانے کے عزم کا عکاس ہے خاص طور پر جب ایران میں گزشتہ دو ہفتوں سے مہنگائی کے خلاف احتجاج جاری ہیں اور حالات غیر متوقع طور پر تبدیل ہو رہے ہیں۔
