گوگل نیوز پر ہمیں فالو کریںبھارتی ریاست بنگلور میں آر پورم ریلوے اسٹیشن کے نزدیک ایک دلچسپ اور افسوسناک واقعہ پیش آیا جس میں ایک خاتون نے ہوم گارڈ پر حملہ کر دیا۔ واقعے کے دوران تقریباً 28 سالہ دمینی (عرف موہنی) پر کچھ افراد نے اس کے لباس پر نامناسب تبصرے کیے۔
اس موقع پر ڈیوٹی موجود خاتون ہوم گارڈ لکشمی نرسمہ نے فوری طور پر مداخلت کی اور بدمعاشوں کو بھگا دیا۔ بعد ازاں انہوں نے دمینی کو مشورہ دیا کہ ایسے حالات سے بچنے کے لیے مناسب لباس پہنیں اور مصروف سڑک پر پیدل چلنے سے گریز کریں۔
یہ مشورہ دمینی کو ناگوار گزرا اور وہ غصے میں آ گئیں۔ حملے کے دوران ہوم گارڈ کے چہرے اور ناک سے خون بہنے لگا اور انہیں شدید چوٹیں آئیں۔ ہوم گارڈ کو بعد میں نجی اسپتال میں علاج کے لیے منتقل کیا گیا۔
Women do fight for strange reasons. Damini from Bengaluru was arrested for assaulting female homeguard Narasamma because the guard asked her to wear decent clothes. She got angry and smashed the face and nose of the female constable.pic.twitter.com/gSE3RBS4gr
— NCMIndia Council For Men Affairs (@NCMIndiaa) January 13, 2026
پولیس موقع پر پہنچ گئی اور دمینی کو گرفتار کر لیا۔ ہوم گارڈ کی شکایت کے بعد دمینی پر عوامی خدمات میں رکاوٹ ڈالنے، حملہ کرنے اور توہین آمیز زبان استعمال کرنے کے الزامات عائد کیے گئے۔ عدالت میں پیشی کے بعد انہیں جوڈیشل کسٹڈی میں بھیج کر بنگلور سینٹرل جیل منتقل کر دیا گیا۔
پولیس کے ایک سینئر افسر کے مطابق یہ واقعہ ٹریفک ڈیوٹی کے دوران پیش آیا اور حملہ بہت شدید تھا۔ دمینی نریا ن پورہ، مہادیو پورہ کی رہائشی ہیں اور ایک پرائیویٹ کمپنی میں کام کرتی ہیں۔
یہ واقعہ ویڈیو کی صورت میں وائرل بھی ہو گیا ہے اور عوامی سطح پر بحث کا موضوع بن گیا ہے کہ ہوم گارڈ کے مشورے پر تشدد کرنا درست نہیں ہے۔
