گوگل نیوز پر ہمیں فالو کریںوزارتِ تجارت نے امپورٹ پالیسی آرڈر 2022 میں ترمیم کرتے ہوئے “پرسنل بیگیج اسکیم” کے تحت استعمال شدہ گاڑیوں کی درآمد پر پابندی عائد کر دی ہے۔
بدھ کو جاری ہونے والے ایس آر او 61(I)/2006 کے مطابق اب استعمال شدہ گاڑیاں صرف “ٹرانسفر آف ریزیڈنس” اور “گفٹ اسکیم” کے تحت درآمد کی جا سکتی ہیں۔
ان اسکیمز کے تحت درآمد کی جانے والی گاڑیاں درآمد کی تاریخ سے ایک سال تک منتقل نہیں کی جا سکیں گی۔
جو گاڑیاں ٹرانسفر آف ریزیڈنس اسکیم کے تحت لائی جاتی ہیں، وہ اسی ملک سے ہونی چاہئیں جہاں بیرونِ ملک مقیم پاکستانی رہائش پذیر ہے۔
درآمد کا وقت بھی 700 دن سے بڑھا کر 850 دن کر دیا گیا ہے، جو آخری درآمد کے لیے گڈز ڈکلریشن داخل کرنے کی تاریخ سے شمار ہوگا۔
کمرشل درآمدات پر نافذ کیے جانے والے کم از کم حفاظتی، ماحولیاتی اور ریگولیٹری معیار، جیسا کہ وزارتِ صنعت و پیداوار یا انجینئرنگ ڈیولپمنٹ بورڈ کی جانب سے نوٹیفائی کیا گیا ہے، اب ان اسکیمز پر بھی لاگو ہوں گے۔
قبل ازیں وفاقی کابینہ نے ای سی سی کے فیصلے کی توثیق کی تھی جس کے تحت بیرونِ ملک مقیم پاکستانی تین سال تک پرانی استعمال شدہ گاڑیاں گفٹ اور ٹرانسفر آف ریزیڈنس اسکیمز کے تحت درآمد کر سکتے ہیں۔
