شدید سردی کے باعث ہائپوتھرمیا کا خطرہ بڑھ گیا، یہ کیا ہے اور اس سے کیسے بچا جا سکتا ہے؟

ملک کے مختلف علاقوں میں درجہ حرارت میں شدید کمی اور سردی میں شدید اضافے نے عوام کے لیے خطرے کی گھنٹی بجا دی ہے۔

ہائپو تھرمیا کیا ہے؟

ماہرین صحت کے مطابق انتہائی سرد موسم میں ہائپوتھرمیا جیسے مسائل پیدا ہو سکتے ہیں، جو جسم کے درجہ حرارت کے خطرناک حد تک گر جانے کی وجہ سے لاحق ہوتے ہیں۔

جانتے ہیں سردیوں کے اس پھل کا رس کتنی بیماریوں کیلئے اکسیر ہے؟

علامات

ہائپوتھرمیا کی علامات میں شدید کپکپی، سست روی، تھکن، دھڑکن کا سست ہونا اور ہوشیاری میں کمی شامل ہے۔ اگر فوری علاج نہ کیا جائے تو یہ جان لیوا بھی ثابت ہو سکتا ہے۔

بچاؤ کی تدابیر

ماہرین مشورہ دیتے ہیں کہ سردی سے بچاؤ کے لیے گرم کپڑے پہنیں، زیادہ وقت باہر گزارنے سے گریز کریں، کھانے میں توانائی بخش اشیاء شامل کریں اور بچوں اور بزرگوں پر خصوصی توجہ دیں۔ گھر میں حرارت برقرار رکھنے کے لیے ہیٹر یا کمبل استعمال کیے جا سکتے ہیں۔

حکومتی ادارے اور صحت کے شعبے نے شہریوں کو انتباہ جاری کر دیا ہے کہ سردی کے شدید اثرات سے بچاؤ کے لیے احتیاطی اقدامات لازمی اپنائیں۔