گوگل نیوز پر ہمیں فالو کریںکراچی میں آوارہ کتے قابو سے باہر ہوگئے، شہر میں کتے کے کاٹنے سے ریبیز کا شکار ایک اور مریض انتقال کرگیا۔
جناح اسپتال کے حکام کے مطابق متوفی کرامت کو 3 ماہ قبل کتے کے کاٹنے کے بعد ریبیز لاحق ہوگیا تھا، مریض 8 جنوری کو جناح اسپتال میں داخل ہوا۔
42 سال کا کرامت گلشن معمار کا رہائشی اور پیشے سے پلمبر تھا۔ محکمۂ صحت سندھ کے مطابق رواں سال سندھ میں ریبیز سے ہلاکتوں کی تعداد 2 ہوگئی ہے۔
یہ بھی پڑھیں:
کراچی پر آوارہ کتوں کا راج، مسئلے سے کیسے نمٹنا ہے، میئر تذبذب کا شکار
دوسری جانب چیف سیکرٹری سندھ آصف حیدر شاہ کی زیر صدارت ریبیز کنٹرول سے متعلق اجلاس میں تمام اضلاع میں 300 ریبیز سینٹرز کو اپ گریڈ اور متحرک کرنے کا فیصلہ کیا گیا۔
چیف سیکرٹری کا کہنا ہے کہ صوبے میں ہر 15 کلومیٹر پر ریبیز کے علاج کی سہولت دستیاب ہوگی۔
