گوگل نیوز پر ہمیں فالو کریںمعروف اداکارہ اور ٹی وی میزبان فضا علی نے ایک بار پھر شادی کرلی ہے، اداکارہ نے اپنی بیٹی کے ساتھ محبت کا اظہار کرتے ہوئے شادی کی تصاویر سوشل میڈیا پر ڈال دیں، جو دیکھتے ہی دیکھتے وائرل ہوگئی ہیں۔
تفصیلات کے مطابق فضا علی نے عیدالفطر کے موقعے پر اپنی دوسری شادی کا اعلان کیا، فضا علی نے ایک سادہ اور نجی تقریب میں اعجاز خان سے نکاح کیا۔ عید الفطر کے پہلے روز شیئر کی گئی تصاویر کو زیادہ تر مداحوں نے پسندیدگی کی نظر سے دیکھا۔
View this post on Instagram
مداحوں نے فضا علی کو زندگی کے نئے سفر کا آغاز کرنے پر مبارکباد دی۔ سوشل میڈیا پر شیئر کی گئی تصاویر میں اداکارہ کے شوہر کے ساتھ ساتھ بیٹی فرال بھی موجود نظر آئی، جس نے اس موقعے میں نئی جان ڈال دی۔فضا علی نے عید کے موقعے پر عیدی کے لین دین کی ویڈیو بھی شیئر کی۔
View this post on Instagram
فضا علی نے شادی کے بعد شیئر کی گئی تصاویر میں سیاہ رنگ کے نیم رسمی لباس کے ساتھ بھورے رنگ کا خوبصورت دوپٹہ اوڑھ رکھا تھا جسے مداحوں نے بہت پسند کیا۔ نئے جوڑے نے اپنے اپنے ہاتھوں پر ایک دوسرے کے نام بھی لکھوائے۔
اس حوالے سے فضا علی کا کہنا ہے کہ 41سال کی عمر میں اللہ نے مجھے وہ محبت اور خوشی عطا کی جس کی طویل عرصے سے منتظر تھی۔ آج مجھے میرا جیون ساتھی مل گیا۔ آج میں فضا علی ہی نہیں مسز اعجاز بھی بن گئی ہوں۔
View this post on Instagram
اپنی بیٹی کے رویے پر خوشی کا اظہار کرتے ہوئے فضا علی نے کہا کہ میری بیٹی نے نہ صرف میری شادی کی خواہش پر خوشی کا اظہار کیا بلکہ خوشی سے ہماری شادی کروانے میں شرکت بھی کی۔ فرال ابھی صرف 11 سال کی ہے۔
