خواجہ آصف کو اسرائیل کیخلاف اپنی سخت ترین ٹوئٹ ڈیلیٹ کرنے پر کس نے مجبور کیا؟

یہ بات بھی قابل ذکر ہے کہ سابق امریکی صدر ڈونلڈ ٹرمپ نے منگل کی رات ایران اور امریکا کے درمیان چھ ہفتے سے جاری تنازع میں جنگ بندی کا اعلان کیا تھا، جو مبینہ طور پر پاکستان کی درخواست پر کیا گیا اور یہ اعلان ایک ڈیڈ لائن سے چند گھنٹے پہلے سامنے آیا تھا۔

اب تک یہ واضح نہیں ہو سکا کہ پاکستانی وزیر نے یہ ٹوئٹ کیوں ڈیلیٹ کی، تاہم اس حوالے سے مختلف باتیں سامنے آر ہی ہیں۔ کچھ حلقوں کا خیال ہے کہ یہ ٹوئٹ پاکستان کی ثالثی میں جاری مذاکراتی عمل کو کامیابی سے ہم کنار کرنے اور اسے کسی بھی تنازع سے پاک رکھنے کی غرض سے وزیردفاع نے اپنی ٹوئٹ ڈیلیٹ کی۔

یہ بھی کہا جا رہا ہے کہ پیس ٹاک کو کامیاب کرنے کیلئے بعض حکومتی حلقوں کے مشورے پر خواجہ آصف اپنی ٹوئٹ ڈیلیٹ کرنے پر مجبور ہوئے۔

تاہم خواجہ آصف کی طرف سے ٹوئٹ کرنے اور بعد ازاں ڈیلیٹ کرنے پر کوئی موقف یا اس سلسلے میں مزید کوئی ٹوئٹ سامنے نہیں آئی۔ بعض لوگوں کا خیال ہے کہ خواجہ آصف اپنی ٹوئٹ پر نادم ہوتے تو ڈیلیٹ کرنے کے ساتھ اس پر معذرت کی ٹوئٹ بھی کردیتے، مگر انہوں نے ایسا کرنے سے گریز کیا، جس سے پتا چلتا ہے کہ وہ پاکستان کی ثالثی کو پیش نظر رکھ کر ٹوئٹ ڈیلیٹ کرنے پر مجبور ہوئے۔