گوگل نیوز پر ہمیں فالو کریںبالی ووڈ اداکارہ عالیہ بھٹ کا کہنا ہے کہ وہ خوفزدہ ہوگئی تھیں کیونکہ لوگ سیلفی لینے کیلئے حد سے زیادہ قریب آگئے، اداکارہ نے تکلیف دہ کہانی بیان کردی۔
اسٹوڈنٹ آف دی ائیر سے 2012 میں بالی ووڈ فلم انڈسٹری میں ہیروئن کی حیثیت سے قدم رکھنے والی فنکارہ عالیہ بھٹ نے حال ہی میں بھارتی میڈیا کو بتایا کہ ایک موقعے پر ائیرپورٹ عملے نے انہیں اس طرح گھیر لیا کہ وہ خوفزدہ ہو کر ایک کونے میں کھڑی ہونے پر مجبور ہوگئی تھیں۔
View this post on Instagram
اداکارہ کے باڈی گارڈ کے بیان کے مطابق بعض اہلکار سیلفی لینے کیلئے فنکارہ کے کندھے پر ہاتھ رکھنے لگے جس سے عالیہ بھٹ نے غیر آرام دہ محسوس کیا اور ایک جانب چلی گئیں۔ بھارت میں اکثر اوقات شوبز شخصیات کو عوام کے اس قسم کے رویے کا سامنا کرنا پڑتا ہے جس سے بعض اوقات افراتفری پھیل جاتی ہے۔
View this post on Instagram
اپنے ایک حالیہ انٹرویو کے دوران اداکارہ کے باڈی گارڈ ذیشان قریشی نے بتایا کہ عالیہ بھٹ ایک غیر ملکی مقام پر سفر کے دوران اس واقعے کا شکار ہوئیں جب ائیرپورٹ اسٹاف کے علاوہ کسٹمز افسران نے بھی ان کو گھیر لیا اور سیلفی لینے کیلئے کندھے پر ہاتھ رکھنا شروع کردیا، میں 3 سے 4 سال تک عالیہ بھٹ کے ساتھ رہا ہوں۔
View this post on Instagram
ذیشان قریشی نے کہا کہ میں نے دیکھا کہ عالیہ بھٹ نے امیگریشن کلیئر کی اور باہر نکل کر ایک کونے میں کھڑی ہوگئیں۔ ائیرپورٹ عملہ ان کو اکیلا پا کر قریب پہنچ گیا کیونکہ باڈی گارڈ سمیت ان کا پورا عملہ ابھی قطار میں تھا۔ وہ لوگ کہنے لگے کہ میڈم بس ایک تصویر چاہئے، صرف ایک تصویر۔
View this post on Instagram
انہوں نے کہا کہ وہ سب قریب آگئے، بے چاری عالیہ بھٹ ہاتھ پاؤں سمیٹ کر خوفزدہ کھڑی تھیں۔ جب میری امیگریشن کلیئر ہوئی تو میں ان کی طرف بھاگا اور افسران سے پیچھے ہٹنے کو کہہ دیا۔ میں نے اہلکاروں کو ڈانٹا کہ اگر کوئی لڑکی اکیلی کھڑی ہو تو فاصلہ رکھنا سیکھیں۔ پھر میں نے عالیہ کو مناسب انداز میں وہاں سے باہر نکالا۔
View this post on Instagram
