دی لیجنڈ آف مولا جٹ چین کے سینما گھروں میں ریلیز ہونے والی پہلی پاکستانی فلم بن گئی

انہوں نے بتایا کہ یہ پہلی پاکستانی فلم ہے جسے چین کے انتہائی محدود اور سخت کنٹرول والے غیر ملکی فلم امپورٹ کوٹے میں شامل کیا گیا ہے۔

اس اعلان کے ساتھ ہی ہدایتکار نے فلم کا مینڈارن زبان میں ڈب کیا گیا پوسٹر اور ٹریلر بھی جاری کیا، جس سے شائقین میں مزید جوش و خروش پیدا ہو گیا۔

بلال لاشاری کے مطابق یہ کامیابی پاکستانی سنیما کی عالمی سطح پر بڑھتی ہوئی پہچان کی عکاسی کرتی ہے۔ ان کے مطابق “دی لیجنڈ آف مولا جٹ” نے دنیا بھر میں 13 ملین ڈالر سے زائد کا بزنس کیا اور پاکستان میں بھی 1 ارب روپے سے زیادہ کا ریکارڈ بزنس کر کے تاریخ رقم کی۔

یہ فلم 1979 کی پنجابی کلٹ کلاسک “مولا جٹ” کا جدید ری-امیجینیشن ہے، جو مولا جٹ اور اس کے روایتی حریف نوری نت کے درمیان شدید دشمنی کے گرد گھومتی ہے۔