گوگل نیوز پر ہمیں فالو کریںاسلام آباد: وزیراعظم عمران خان نے معاون خصوصی اور اپنے سب سے قریبی ساتھی نعیم الحق کے انتقال پر گہرے دکھ کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیراعظم عمران خان کا کہنا تھا کہ نعیم الحق کے انتقال پر دھچکا لگا ہے، وہ پاکستان تحریک انصاف کے 10 بانی اراکین میں سے ایک اور سب سے وفادار تھے۔
وزیراعظم عمران خان کا کہنا تھا کہ پی ٹی آئی کی 23 سالہ جدو جہد مہں نعیم الحق ہر مشکل میں میرے ساتھ کھڑے رہے اور ہر طرح پارٹی کی مدد کی، گذشتہ 2 سالوں میں نعیم الحق نے ہمت اور بہادری کے ساتھ کینسر کا مقابلہ کیا۔
وزیراعظم نے کہا کہ نعیم الحق آخری وقت تک پارٹی معاملات میں شامل رہے اور جب تک ممکن تھا کابینہ کے اجلاسوں میں بھی شریک ہوتے رہے، ان کا خلا کبھی پُر نہیں ہوسکے گا۔
مزید پڑھیں: پی ٹی آئی رہنما نعیم الحق کا انتقال، نماز جنازہ کراچی میں ادا کی جائے گی
