گوگل نیوز پر ہمیں فالو کریںکراچی: پاکستانی فلم انڈسٹری کے مایہ ناز اداکار ہمایوں سعید نے پاکستانی کبڈی ٹیم کو ورلڈ کپ جیتنے پر تہِ دل سے مبارکباد پیش کی ہے۔
سماجی رابطے کی ویب سائٹ ٹوئٹر پر اپنے پیغام میں فلمسٹار ہمایوں سعید نے کہا کہ کبڈی ٹیم نے بہترین کھیل پیش کیا۔ میں ورلڈ کپ جیتنے پر پوری قوم کو مبارکباد دیتا ہوں۔انہوں نے پاکستان زندہ باد کا نعرہ بھی لگایا۔
Well done team and congratulations everyone on winning the Kabbadi World Cup! Pakistan Zindabad! ???????? #KabaddiWorldCup2020 pic.twitter.com/ceaIi9wMbb
— Humayun Saeed (@iamhumayunsaeed) February 18, 2020
یاد رہے کہ اس سے قبل صوبہ پنجاب کے شہرلاہور میں پاکستانی پہلوانوں نے تاریخ رقم کردی۔ پاکستان نے روایتی حریف بھارت کو یادگار اور تاریخی شکست دے کر ٹائٹل اپنے نام کر لیا۔
کبڈی کے کھیل میں پاکستان نے پہلی بار عالمی سطح کا ورلڈ کپ اپنے نام کیا۔ کبڈی کا فائنل میچ 2 روز قبل لاہور کے پنجاب اسٹیڈیم میں منعقد ہوا جس میں دونوں طرف سے اچھا کھیل پیش کیا گیا۔
کھیل کے زیادہ تر حصے میں دونوں جانب متوازن زور آزمائی نظرآئی، تاہم اختتام کے قریب آ کر پاکستانی پہلوانوں نے اپنا داؤ چلا دیا اور بھارت اس کا سامنا نہ کرسکا۔
مزید پڑھیں: پاکستان نے بھارت کو یادگار شکست دے ورلڈ کپ جیت لیا
