کورونا وائرس کا معاملہ‘ وزیر اعظم کا قوم سے خطاب کرنے کا اعلان

اسلام آباد: وزیراعظم عمران خان نے کہا ہے کہ کورونا وائرس سے متعلق کئے جارہے اقدامات کی میں خود ذاتی طور پر نگرانی کر رہا ہوں، قوم کو بالکل گھبرانے کی ضرورت نہیں۔

عوام کی صحت و تحفظ کے لیے ہم نے تمام انتظامات مکمل کر رکھے ہیں، عالمی ادارہ صحت نے ہمارے اقدامات کو دنیا کے بہترین اقدامات قرار دے کر تعریف کی ہے۔

I want to inform the nation I am personally overseeing measures to deal with COVID 19 & will address the nation soon. I would advise people to follow safety instructions issued by our govt. While there is a need for caution there is no need for panic.

— Imran Khan (@ImranKhanPTI) March 14, 2020

انہوں نے کہا کہ بہت جلد اس معاملے پر قوم سے خطاب کروں گا‘ٹویٹر پر وزیراعظم کا کہنا تھا کہ ہمیں کورونا وائرس کے خطرے کا ادراک ہے، اور ہم اس سارے معاملے پر پوری طرح چوکس ہیں۔

عمران خان کا کہنا تھا کہ میں قوم کو بتاناچاہتا ہوں کہ مذکورہ وائرس سے نمٹنے کے اقدامات کی نگرانی میں خود ذاتی طور پر کر رہا ہوں‘بہت جلد اس معاملے پر قوم سے خطاب کروں گا۔

وزیر اعظم عمران خان نے عوام سے درخواست کی کہ گھبرانے کی ضرورت نہیں بلکہ حکومت کی جانب سے جاری حفاظتی ہدایات پرعمل کریں۔