گوگل نیوز پر ہمیں فالو کریںصوبہ پنجاب کے دارالحکومت لاہور میں مصنوعی مہنگائی کے ذمہ دار ذخیرہ اندوزوں کے خلاف کارروائی کے دوران گندم کے 4 ہزار 800 بیگز برآمد کر لیے گئے ہیں۔
سماجی رابطے کی ویب سائٹ ٹوئٹر پر اپنے پیغام میں ڈپٹی کمشنر (ڈی سی) لاہور نے بتایا کہ لاہور میں گندم کی خریداری مہم کے دوران ذخیرہ اندوزوں نے بھی سرگرمیاں شروع کررکھی ہیں۔
ڈپٹی کمشنر نے کہا کہ لاہور کے علاقے برکی اور ہڈیارہ کے دو نجی گوداموں پر چھاپے مارے گئے جہاں غیر قانونی طور پر ذخیرہ کی گئی گندم کے 4 ہزار 800 بیگز برآمد ہوئے۔
ڈی سی لاہور نے کہا کہ برآمد کیے گئے گندم کے بیگز کو برکی کے خریداری مرکز روانہ کردیا گیا ہے جبکہ یہ کارروائی اسسٹنٹ کمشنر لاہور کینٹ کے زیرِ نگرانی لاہور انتظامیہ نے کی۔
گندم خریداری مہم و ذخیرہ اندوزی
برکی اور ہڈیارہ کے دو پرائیویٹ گوداموں میں چھپائے 4800 گندم کے بیگز کو برامد کرکے گندم خریداری مرکز برکی روانہ کردیا گیا. اے سی کینٹ نے کاروائی کی.@GOPunjabPK pic.twitter.com/19VEscd5DR
— Deputy Commissioner Lahore (@DCLahore) May 1, 2020
