ایران کی طرف سے اسٹاک ایکسچینج پر حملے کی مذمت پر پاکستان کا اظہارِ تشکر

اسلام آباد: پاکستان نے ایران کی طرف سے اسٹاک ایکسچینج پر حملے کی مذمت پر تشکر کا اظہار کیا ہے۔

تفصیلات کے مطابق ترجمان دفترِ خارجہ عائشہ فاروقی نے ایران کی طرف سے اسٹاک ایکسچینج پر حملے کی مذمت پر حکومتِ ایران کا شکریہ ادا کیا ہے۔

سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ عائشہ فاروقی نے کہا کہ ہم ایرانی حکومت اور ایران میں رہنے والے اپنے بھائی بہنوں کا شکریہ ادا کرتے ہیں۔

ترجمان دفترِ خارجہ عائشہ فاروقی نے کہا کہ ہمارے برادر ملک ایران نے ہمارے ساتھ جس حمایت اور یکجہتی کا اعلان کیا ہے، اس کا شکریہ ادا کرتے ہیں۔ 

We thank the Govt and our brothers and sisters in ???????? for their support and solidarity on #terroristattack at #PakistanStockExchange yesterday.
???????? Zindabad https://t.co/jIUVeqpbUq

— Ministry of Foreign Affairs – Pakistan (@ForeignOfficePk) June 30, 2020

واضح رہے کہ اس سے قبل ایرانی سفیر سیّد محمد علی حسینی نے کہا کہ بزدل دہشت گردوں پاکستان کی بہادر افواج نے ہر طریقے سے ہرایا اور اب دہشت گرد اپنی قوت دکھانے کیلئے نت نئے طریقے آزما رہے ہیں۔

ایرانی سفیر نے کہا کہ ہم پاکستان اسٹاک ایکسچینج کی عمارت پر دہشت گردوں کے بزدلانہ حملوں کی شدید مذمت کرتے ہیں اور امید کرتے ہیں کہ پاکستان جلد ہی دہشت گردوں کی باقیات سے چھٹکارہ حاصل کر لے گا۔