وزیرخارجہ شاہ محمود قریشی بھی کورونا وائرس میں مبتلا ہوگئے

اسلام آباد: وزیرخارجہ شاہ محمود قریشی بھی کورونا وائرس میں مبتلا ہوگئے، وزیر خارجہ نے تصدیق کی ہے کہ میرا کورونا ٹیسٹ مثبت آگیا ہے۔

شاہ محمود قریشی نے اس حوالے سے تصدیق کرتے ہوئے کہا ہے کہ میرا کورونا ٹیسٹ مثبت آگیا ہے، اور میں نے فوری طور پر خود کو گھر پر قرنطینہ کرلیا ہے۔

This afternoon I felt a slight fever and immediately quarantined myself at home. I have now tested positive for Covid 19. By the grace of Allah, I feel strong and energetic. I will continue to carry on my duties from home. Please keep me in your prayers.

— Shah Mahmood Qureshi (@SMQureshiPTI) July 3, 2020

ٹویٹر پر اپنی ٹویٹ میں شاہ محمود قریشی کا کہنا تھا کہ آج سہ پہر مجھے ہلکا بخار محسوس ہوا، میں نے فوری طور پر خود کو گھر پر قرنطینہ کرلیا، اللہ کی مہربانی سے میں خود کو مضبوط اور توانا محسوس کررہا ہوں، انہوں نے کہا کہ میں گھر سے اپنے فرائض منصبی ادا کرتا رہوں گا، انہوں نے عوام سے دعاؤں کی درخواست کی ہے۔