گوگل نیوز پر ہمیں فالو کریںپاکستانی فلم انڈسٹری کی مشہور اداکارہ وینا ملک نے بھارتی وزیرِ داخلہ کو بد دُعا دیتے ہوئے کہا ہے کہ کشمیریوں پر کرفیو لگانے والے کو کورونا ہوگیا ہے، اللہ اسے غرق کرے۔
سماجی رابطے کی ویب سائٹ ٹوئٹر پر اپنے پیغام میں پاکستانی فنکارہ وینا ملک نے کہا کہ کشمیر کی خصوصی حیثیت کی دفعہ 370 اور 35 اے ختم کرکے کشمیریوں پر کرفیو لگانے والے وزیرِ داخلہ امیت شاہ کو کورونا وائرس ہوگیا۔
اداکارہ وینا ملک نے کہا کہ مظلوموں کو 1 سال لاک ڈاؤن میں رکھنے والا آج قرنطینہ کے باعث گھر میں قید ہے۔ دُعا کرتی ہوں کہ اللہ اسے غرق کرے۔
کشمیر کا سپیشل سٹیٹس آرٹیکل 370 اور 35A ختم کرکے کشمیریوں پر کرفیو لگانے والے وزیر داخلہ امت شاہ کو کورونا ہوگیا ہے مظلوموں کو ایک سال لاک ڈاون میں رکھنے والا خود گھر میں قید ہے
اللہ اسکو غرق کرے آمین
— VEENA MALIK (@iVeenaKhan) August 3, 2020
یاد رہے کہ اِس سے قبل بھارت کے وزیر داخلہ امیت شاہ کورونا وائرس کا شکار ہونے کے بعد اسپتال میں داخل ہوگئے۔
وزیر اعظم نریندر مودی کے قریبی ساتھی اور ملک کے سب سے طاقتور سیاستدان امیت شاہ ایک کلیدی وزارت کے سربراہ ہیں جو ہندوستان میں کورونا وائرس کی روک تھام میں سب سے آگے رہی۔
مزید پڑھیں: بھارتی وزیرِ داخلہ امیت شاہ بھی کورونا وائرس کا شکارہو گئے
