امیتابھ بچن کواسپتال سے ڈسچارج کردیا گیا، کورونا سے صحت یاب

ممبئی:بالی ووڈ اداکار امیتابھ بچن کا کورونا ٹیسٹ منفی آنے پر انہیں اسپتال انتظامیہ کی جانب سے گھر منتقل ہونے کی خبر سنادی گئی ہے، واضح رہے کہ امیتابھ بچن کورونا ٹیسٹ مثبت آنے پر 23 دن سے ممبئی کے اسپتال میں زیر علاج تھے۔

امیتابھ کورونا سے متاثر ہونے کے بعد باقاعدگی سے اپنے مداحوں کو سوشل میڈیا کے ذریعے اپنی صحت کے حوالے سے آگاہ کرتے رہے ہیں۔

T 3613 – I have tested CoVid- have been discharged. I am back home in solitary quarantine.
Grace of the Almighty, blessings of Ma Babuji, prayers & duas of near & dear & friends fans EF .. and the excellent care and nursing at Nanavati made it possible for me to see this day . pic.twitter.com/76jWbN5hvM

— Amitabh Bachchan (@SrBachchan) August 2, 2020

سماجی رابطے کی ویب سائٹ ٹوئٹر پر پیغام میں اداکار نے اسپتال سے گھر منتقلی کی خبر دی اور اس دوران ان کی صحت کے لئے دعا کرنے پر قریبی رشتہ داروں، دوستوں اور مداحوں کا شکریہ ادا کیا۔

اداکار کا کہنا تھا کہ اسپتال میں اچھی دیکھ بھال کے باعث انہیں آج یہ دن دیکھنے کو ملا۔واضح رہے کہ امیتابھ کے بیٹے ابھیشیک بچن کا کورونا ٹیسٹ بدستور مثبت آیا ہے، جس کی وجہ سے وہ ابھی اسپتال میں ہی رہیں گے۔