لاہور:پاکستانی سابق فاسٹ بالر عاقب جاوید کا کہنا ہے کہ انگلینڈ ٹیم کی بالنگ پاکستان کے مقابلے میں تجربہ کار ہے،انگلینڈ کے پاس منجھے ہوئے بالر موجود ہیں جو وکٹ کی صورتحال کو خوب سمجھتے ہیں۔
سابق فاسٹ بالر عاقب جاوید نے اپنے ایک بیان میں پاکستان انگلینڈ سیریز سے متعلق بات کرتے ہوئے کہا ہے کہ ویسٹ انڈیز کے خلاف سیریز سے انگلینڈ کے بالرز کو بہت فائدہ ہو گا۔
انگلینڈ کے بالرز کواندازہ ہو گیا ہو گا کہ بال کو تھوک سے چمکائے بغیر وکٹیں کیسے لی جا سکتی ہیں۔عاقب جاوید نے کہا ہے کہ یاسر شاہ ہی واحد بالر ہیں جنہوں نے وہاں وکٹیں لی ہوئی ہیں۔
عاقب جاوید نے کھلاڑیوں سے متعلق بات کرتے ہوئے کہا کہ فاسٹ با لر سہیل خان اچھی فارم میں ہیں, شاہین شاہ آفریدی نے حال میں خود کو منوایا ہے، انگلینڈ کی بیٹنگ لائن اپ میں بھی تجربہ کم ہے۔
عاقب جاوید نے کہا کہ پاکستان ٹیم میں اظہر علی، اسد شفیق اور بابر اعظم کے علاوہ کوئی اور نظر نہیں آتا، کوئی شک نہیں عابد علی نے اچھا ڈیبیو کیا لیکن انہیں ابھی بہت کچھ سیکھنا ہے۔
گوگل نیوز پر ہمیں فالو کریں
