عروہ حسین اور فرحان سعید کی علیحدگی کی خبریں جھوٹی نکلیں، سچ سامنے آگیا

کراچی: معروف اداکارہ عروہ حسین اور گلوکار فرحان سعید کے درمیان علیحدگی کی خبروں کی تردید کے ساتھ ساتھ اصل حقائق بھی سامنے آگئے ہیں۔

سوشل میڈیا اور شوبز حلقوں میں گزشتہ دو روز سے معروف اداکارہ عروہ حسین اور گلوکار فرحان سعید کے درمیان علیحدگی کی افواہیں زیر گردش تھیں۔

سوشل میڈیا پر دعویٰ کیا جارہا تھا کہ فنکار جوڑی نے طلاق لینے کا فیصلہ کرلیا ہے اور دونوں کی علیحدگی کا معاملہ عدالت میں چل رہا ہے تاہم عروہ حسین کےو الد نے بیٹی کی علیحدگی اور طلاق سے متعلق تمام خبروں کو بے بنیاد قرار دیدیا ہے۔

مقامی ٹی وی سے بات چیت کرتے ہوئے عروہ حسین کے والد نے بتایا کہ ان کی بیٹی اور داماد ساتھ ہیں اور ان کے درمیان علیحدگی کی خبریں جھوٹی ہیں ۔

عروہ حسین کے والد کا کہنا ہے کہ میری بیٹی اور داماد اپنی شادی کی سالگرہ منانے کی تیاریاں کررہے ہیں،دونوں کے درمیان طلاق کا کوئی کیس نہیں چل رہا۔

واضح رہے کہ گزشتہ دو روز سے سوشل میڈیا پر اطلاعات زیر گردش تھیں کہ شوبز انڈسٹری کی معروف جوڑی عروہ حسین اور فرحان سعید کے درمیان دوریاں بڑھ گئی ہیں اوردونوں  نے طلاق لینے کا فیصلہ کرلیا ہے۔

مزید پڑھیں:کوک اسٹوڈیو کے سیزن 13 میں میشا شفیع بھی اپنی آواز کا جادو جگائیں گی

میڈیا ذرائع کا کہنا تھاکہ دونوں فنکاروں کے درمیان اختلافات بڑھے جارہے ہیں جس کی وجہ سے 3 سالہ ازدواجی زندگی طلاق پر ختم ہونے کا امکان ہے اور دونوں نے طلاق کیلئے عدالت میں درخواست دائر کرنیکا فیصلہ کرلیا ہے۔

ذرائع نے انکشاف کیا تھاکہ دونوں کے مابین بڑھتے ہوئے اختلافات اورتناؤ ان کی علیحدگی کی وجوہات بنے ،دونوں کی طرف سے باضابطہ طور پر صورتحال کی وضاحت نہیں کی گئی ہے تاہم اب عروہ حسین کے والد نے طلاق کے حوالے سے خبروں کی تردید کردی ہے۔