کراچی: گلشن اقبا ل میں 21 اکتوبرکے دھماکے میں بارودی مواد کی موجودگی کا انکشاف ہوا ہے، واضح رہے کہ کراچی یونیورسٹی لیب نے دھماکے میں خطرناک بارودی مواد ٹی این ٹی کی موجودگی کی تصدیق کردی ہے۔
جامعہ کراچی کے ایچ ای جے ریسرچ انسٹیوٹ کی رپورٹ ایم ایم نیوز نے حاصل کرلی، جس کے مطابق خطرناک ٹی این ٹی مواد ماضی میں بڑی دہشت گرد کارروائیو ں میں استعمال ہوچکا ہے۔
بی ڈی ایس کے فراہم کردہ 6 نمونے پولیس نے جامعہ کراچی کی لیب بھجوائے،لیب رپورٹ میں انکشاف ہوا ہے کہ ایک پارسل کے نمونے میں خطرناک ٹی این ٹی بارودی مواد پایا گیا۔
لیب رپورٹ کے مطابق دوسرے پارسل میں مٹی، گلاس اور دھات کے ٹکرے تھے،21اکتوبر کو اللہ نور اپارٹمنٹ میں ہونے والے دھماکے میں 9 افراد جاں بحق،22 زخمی ہوئے تھے۔
گوگل نیوز پر ہمیں فالو کریں
