پاکپتن:پاکپتن کے علاقے عارف والا میں خاتون نے آشنا کے ساتھ مل کر شوہر کو جلا کر مار ڈالا،پولیس کے مطابق ملزمہ نجمہ نے آشنا خادم کے ساتھ مل اس کمرے کو آگ لگا دی جہاں غفور اور اس کا دوست ظفر موجود تھے۔
آگ لگنے سے ملزمہ نجمہ کا شوہر غفور اور ظفر بری طرح جھلس گئے دونوں کو اسپتال لے جایا گیا جہاں غفور دم توڑ گیا۔ پولیس نے واقعے کا مقدمہ درج کرلیا جس کے مطابق ملزمہ نے پہلے نشہ آور چیز کھلا کر دونوں کو بے ہوش کیا، پھر کمرے کو آگ لگا دی۔
پولیس ذرائع کا اس حوالے سے کہنا ہے کہ ملزمان کے گرد گھیرا تنگ کردیا گیا ہے اور انہیں جلد گرفتار کرکے قانون کے کٹہرے میں لایا جائے گا اور سخت سے سخت سزا دی جائے گی۔ پولیس کے مطابق ملزمان موقع سے فرار ہو گئے۔
گوگل نیوز پر ہمیں فالو کریں
