فاسٹ باؤلر شاہین آفریدی نے لیجنڈری کرکٹر وسیم اکرم کا ریکارڈ برابر کردیا

لاہور: قومی کرکٹ ٹیم کے نوجوان فاسٹ باؤلر شاہین شاہ آفریدی نے پاکستان کرکٹ ٹیم کے سابق کپتان اور عظیم کرکٹر وسیم اکرم کا ٹیسٹ کرکٹ میں 16 میچز میں 50 وکٹیں حاصل کرنے کا ریکارڈ برابر کردیا ہے۔

تفصیلات کے مطابق شاہین شاہ آفریدی نے وسیم اکرم کا ریکارڈ ہرارے ٹیسٹ کے پہلے روز برابر کیا۔  زمبابوے کیخلاف ٹیسٹ میچ کے آغاز پر شاہین شاہ کو اپنی 50 وکٹیں مکمل کرنے کیلئے محض دو وکٹیں درکار تھیں۔

نوجوان فاسٹ باؤلر شاہین شاہ آفریدی نے پہلی اننگز میں زمبابوے کے 4 اہم کھلاڑیوں کو آؤٹ کر کے یہ اہم سنگِ میل عبور کیا۔

Shaheen Afridi gets to 50 wickets in as many Tests as Wasim Akram ????????#ZIMvPAK pic.twitter.com/SlZnXkn908

— ESPNcricinfo (@ESPNcricinfo) April 29, 2021

قابلِ ذکر بات یہ ہے کہ شاہین شاہ آفریدی نے 16 میچز میں 50 وکٹیں حاصل کرنے کا اعزاز 21 برس کی عمر حاصل کیا ہے جبکہ سابق فاسٹ باؤلر وسیم اکرم نے بھی 16 میچز میں 50 وکٹیں حاصل کی تھیں اور ان کی عمر بھی اس وقت 21 برس ہی تھی۔

ٹیسٹ کرکٹ میں تیز رفتاری سے 50 وکٹیں مکمل کرنے والے پاکستانی باؤلرز میں یاسر شاہ پہلے نمبر پر ہیں انہوں نے یہ کارنامہ 9 ٹیسٹ میچز میں انجام دیا تھا جبکہ سابق فاسٹ باؤلر اور موجودہ باؤلنگ کوچ وقار یونس نے 12 ٹیسٹ میچز میں سنگ میل عبور کیا تھا۔