اسلام آباد:ترکی کے صدر رجب طیب ایردوان کادورہ پاکستان منسوخ کر دیا گیا ہے ،ترکی کی جانب سے دورے کی منسوخی سے متعلق پاکستان کو آگاہ کردیا ہے۔
ترکی کے صدر رجب طیب اردوان نے 23اور 24 اکتوبر کو پاکستان کا دورہ کرنا تھا۔ذرائع کے حوالے سے کہا ہے کہ ترکی کے صدر رجب طیب اردوان نے دورے کی منسوخی شام کی صورتحال کے باعث کی ہے۔
رجب طیب اردوان کے پاکستان کے دورے کی نئی تاریخوں کا اعلان جلد کیا جائے گا۔واضح رہے کہ اس سے قبل سفارتی ذرائع کی خبر تھی کہ صدر رجب طیب اردوان 23 اکتوبر کو پاکستان پہنچیں گے۔
گوگل نیوز پر ہمیں فالو کریں
