راولپنڈی فارما موومنٹ کی ایڈوانس انکم ٹیکس کیخلاف ہڑتال

اسلام آباد :راولپنڈی فارما موومنٹ کی کال پر ایڈوانس انکم ٹیکس نافذ کیے جانے کی شق نمبر جی۔236 اور ایچ کے خلاف ٹریڈرز ریٹیلرز ہول سیلرز اور انڈسٹری نے آج پندرہ جولائی کو پورے پاکستان میں شٹرڈاؤن ہڑتال کا اعلان کیا تھا آج شیڈول جاری ہے اور ہڑتال کا پہلا دن ہے ۔

ایف بی آر سے مذاکرات ناکام ہونے کے بعد فارما موومنٹ نے ہڑتال کی کال دی تھی، پی سی ڈی اے کی کال پر شہر کے مختلف علاقوں میں ادویات کی مارکیٹیں اور دکانیں ہڑتال کے باعث بند ہیں۔

پی سی ڈی اے کے کوآرڈینیٹر ارشد اعوان ایم ایم نیوز سے خصوصی ٹیلیفونک گفتگو کرتے ہوئے بتایا کہ ایف بی آر مزاکرات میں سنجیدہ نہیں ہے آخری وقت مذاکرات میں ایف بی آر مہلت مانگ کر ہڑتال نہ کرنے پر زور دیتی رہی ایڈوانس ٹیکس صرف فارماسوٹیکل سے وابستہ کاروباری طبقہ نہیں بلکہ ہر کوئی متاثر ہے حکومت نے ابھی بھی ہوش کے ناخن نہ لئے تو 19 جولائی کو غیر معینہ مدت کے لیے ہڑتال کریں گے ادویات نہ ملنے پر انسانی جانوں کے ضیاع کی ذمہ دار حکومت ہوگی۔

مزید پڑھیں:سندھ میں دوبارہ پابندیاں، ریسٹورنٹ، سینماء ملازمین اوراساتذہ گزربسر کیسے کرینگے؟

ہڑتال کے باعث بہت بوہڑبازار، مال روڈ،راجہ بازار ،مری روڈ، کمرشل مارکیٹ اور الائیڈ ہسپتالوں کے باہر بھی میڈیکل اسٹورز بند پڑے ہیں جبکہ میڈیکل اسٹورز بند ہونے کی وجہ سے مریض اور مریضوں کے لواحقین سخت پریشان ہیں۔

مریضوں کے لواحقین کا کہنا ہے کہ ہمارے مریض آئی سی یو میں داخل ہیں جہاں پر انھیں ادویات کی ضرورت ہے لیکن میڈیکل اسٹورز بند ہونے کی وجہ سے انتہائی پریشان ہیں، اگر ادویات نہ ملیں تو قیمتی جانیں ضائع ہو جائیں گی، حکومت کو چاہیے کہ ادویات کی دستیابی کو یقینی بنائیں بنایا جائے تاکہ قیمتی جانیں ضائع ہونے سے بچ سکیں۔