عفت عمر کے سریکھا سکری کی وفات پرعجیب و غریب جواب نے تنازعہ کھڑا کردیا

پاکستانی اداکارہ عفت عمر نے سینئر بھارتی اداکارہ سریکھا سکری کی وفات کی خبر پر عجیب و غریب جواب دیکرتنازعہ کھڑا کردیا،اداکارہ نے ’واؤ‘ کا کمنٹ کرنے کی وضاحت دیتے ہوئے اپنی غلطی تسلیم کرلی۔

View this post on Instagram

A post shared by ELLE India (@elleindia)

گزشتہ روز ایلی انڈیا نامی انسٹاگرام پیج کی جانب سے سریکھا سکری کی موت کی خبر دی گئی جس پر عفت عمر نے دو مرتبہ کمنٹ کرتے ہوئے ‘واؤ واؤ واؤ لکھاتاہم اب اداکارہ عفت عمر نے سریکھا سکری کی موت کی خبر پر ’واؤ‘ لکھنے کو ایک غلط فہمی قرار دیدیا ہے۔

عفت عمر نے اس معاملے پر وضاحت کرتے ہوئے کہا ہےکہ یہ سب محض غلط فہمی کی بنیاد پر ہوا، انہوں نے پوسٹ کے کیپشن کو دیکھے بغیر ہی کمنٹ کردیا تھا۔

اداکارہ نے اپنے کمنٹ کے ساتھ ہی سریکھا کو یاد کرتے ہوئے دکھ کا اظہار کیا۔ اداکارہ عفت عمر کا کہنا ہے کہ یہ میری غلطی تھی کہ میں نے پوسٹ نہیں پڑھی، صرف تصویر دیکھ کر کمنٹ کیا۔

واضح رہے کہ عفت عمر نے بالی ووڈ کی معروف و سینئر اداکارہ سریکھا سکری کی موت کی خبر پر ’واؤ‘ کمنٹ کر کے صارفین کو الجھن میں ڈال دیا تھا۔

سوشل میڈیا صارفین کی بڑی تعداد اداکارہ کے اس کمنٹ کے باعث انہیں تنقید کا نشانہ بنارہے تھے تاہم اب ان کی وضاحتی کمنٹ نے ناقدین کو چُپ کروادیا ہے۔