گوگل نیوز پر ہمیں فالو کریںکراچی:پولیس نے شہرقائد کے مختلف علاقوں میں کارروائیوں اور مقابلے کے دوران 2زخمی اسٹریٹ کرمنلز،منشیات فروش سمیت دیگرجرائم میں ملوث 22ملزمان کو گرفتارکرکے مسروقہ سامان، اسلحہ اور منشیات برآمد کرنے کادعویٰ کیاہے۔
پیرکی صبح گلشن اقبال بلاک 3 کے قریب شہریوں سے لوٹ مار کرنے والے اسٹریٹ کرمنل اور پولیس میں فائرنگ کا تبادلہ ہواپولیس نے دو ملزمان بلال اور امین کو زخمی حالت میں گرفتار کرلیا۔زخمی مبینہ ڈاکوؤں کو عباسی اسپتال منتقل کیاگیا ہے۔
ادھرخواجہ اجمیر پولیس نے پہاڑی پر آپریشن کرکے بھابھی کے اڈے کو مسمار کرکے منشیات فروش بھابھی کو گرفتار کرلیا۔
ایس ایچ او راؤناظم کے مطابق خفیہ اطلاع پر اجمیر کالونی کی پہاڑی پر واقع پشتون آبادی کے ایک گھرمیں منشیات فروش بدنام زمانہ عارف شاہ کے اڈے پر چھاپہ مار کرعارف شاہ کی بیوی بخدیرہ کو گرفتار کرکے لاکھوں روپے کی اعلی کوالٹی کی 10کلوچرس اور دیگر سامان برآمد کرلیا مذکورہ جگہ پر چندسال قبل سید عارف شاہ نامی شخص کا باقاعدہ اڈہ چلا کرتا تھا، عارف شاہ نامی شخص کی دو بیویاں ہیں غیر قانونی کام میں یہ اپنی بیویوں اور خواتین کا استعمال کرتا ہے۔
مزید پڑھیں:کراچی دھماکے کازخمی ایک اور بچہ چل بسا، ہلاکتوں کی تعداد 13ہوگئی
