الیکشن کا سوچنے والی حکومت بلوچستان کیلئے کچھ نہیں کرتی، وزیراعظم

اسلام آباد: وزیراعظم عمران خان نے کہا ہے کہ جو حکومت الیکشن کا سوچتی ہے وہ بلوچستان کیلئے کچھ نہیں کرتی، بلوچستان کے سیاسی لوگ بھی قصوروار ہیں جو صرف اپنے حلقے کا سوچتے ہیں، بلوچستان کی ترقی پاکستان کی ترقی کو فائدہ پہنچائے گی۔

مزید پڑھیں:آئی ایم ایف نے آٹا، گھی، دال، چاول، گیس اور بجلی پر سبسڈی ختم کرنیکا مطالبہ کردیا

اسلام آباد میں منعقدہ تقریب میں وزیراعظم نے جھل جھاؤبیلہ شاہراہ کی اپ گریڈیشن کا سنگ بنیاد رکھ دیا، اس موقع پر خطاب کرتے ہوئے انہوں نے کہا کہ ماضی میں سڑکوں کی تعمیر میں بدعنوانی کی گئی،سابق دور میں سڑکوں کی تعمیر میں کرپشن کی تحقیقات کا کہا ہے، ماضی کی نسبت 20 کروڑ کم لاگت میں شاہراہوں کی تعمیر جاری ہے۔

انہوں نے کہا کہ کرپٹ لوگ قوم کا پیسہ چوری کرتے ہیں، ماضی کی نسبت 20 کروڑ کم لاگت میں شاہراہوں کی تعمیر جاری ہے، ن لیگ دور سے سستی سڑکیں بنا رہے ہیں، وزیراعظم عمران خان نے کہا کہ کرپٹ لوگوں کے آنے سے قوم کا اصل نقصان ہوتا ہے۔

انہوں نے کہا کہ چین کی کامیابی کی وجہ لانگ ٹرم پلاننگ ہے، کوشش ہے پیچھے رہ جانیوالے علاقوں کو اوپر لائیں، بلوچستان کی ترقی پاکستان کی ترقی کو فائدہ پہنچائے گی، جو حکومت الیکشن کا سوچتی ہے وہ بلوچستان کیلئے کچھ نہیں کرتی،ماضی کی نسبت 20 کروڑ کم لاگت میں شاہراہوں کی تعمیر جاری ہے۔