گوگل نیوز پر ہمیں فالو کریںاسلام آباد:ٹی ٹوئنٹی ورلڈ کپ کے پہلے میچ میں پاکستان نے بھارت کو عبرتناک شکست دے کر بھارت کا غرور خاک میں ملا دیا، جبکہ قومی ٹیم کی شاندار فتح پر صدر مملکت عارف علوی اور وزیراعظم عمران خان سمیت مختلف سیاسی رہنماؤں نے قومی ٹیم اور پاکستان قوم کو مبارکباد پیش کی ہے۔
بھارت کو شکست فاش دینے پر صدر مملکت ڈاکٹر عارف علوی نے سماجی رابطے کی ویب سائٹس پر ٹوئٹ کرتے ہوئے کہا کہ شاباش گرین شرٹس، مکمل صفایا کیا، 10 وکٹوں سے میچ جیت لیا، ہمیں آپ پر فخر ہے، ایک اچھا میچ تھا مزا آگیا، پاکستانیوں آپ سب کو مبارک ہو۔
شاباش گرین شرٹس۔
مکمل صفایا۔
دس وکٹوں سے میچ جیت لیا۔
ہمیں آپ پر فخر ہے۔
ایک اچھا میچ تھا مزا آگیا۔
پاکستنیوں آپ سب کو مبارک ہو۔ pic.twitter.com/sJVgINW4FU— Dr. Arif Alvi (@ArifAlvi) October 24, 2021
سماجی رابطے کی ویب سائٹ ٹویٹر پر میچ دیکھتے ہوئے وزیراعظم عمران خان نے بھی تصویر شیئر کی اور قومی ٹیم کو مبارک باد پیش کی، اُن کا کہنا تھا کہ پاکستان ٹیم کو مبارکباد اور بابر اعظم کو جنہوں نے ٹیم کو فرنٹ سے لیڈ کیا، رضوان اور شاہین آفریدی نے شاندار کارکردگی کا مظاہرہ کیا، پوری قوم کو آپ پر فخر ہے۔
Congratulations to the Pakistan Team & esp to Babar Azam who led from the front, as well as to the brilliant performances of Rizwan & Shaheen Afridi. The nation is proud of you all. pic.twitter.com/ygoOVTu37l
— Imran Khan (@ImranKhanPTI) October 24, 2021
یہی نہیں قومی اسمبلی کے اسپیکر اسد قیصر نے بھی بھارتی سورماؤں کا غرور خاک میں ملانے پر مبارک باد دیتے ہوئے کہا کہ پاکستانی ٹیم قوم کی امیدوں پر پورا اتری ہے، آج کے میچ میں پاکستان کی قومی ٹیم نے نئی تاریخ رقم کی ہے۔
انہوں نے کہا کہ پاکستانی ٹیم کا 10 وکٹوں سے انڈیا سے میچ جیتنا قابل فخر کارنامہ ہے، پاکستان کی پوری ٹیم نے اچھے کھیل کا مظاہرہ کیا ہے مگر جیت کا کریڈٹ بولرز میں شاہین شاہ آفریدی، کپتان بابر اعظم اور محمد رضوان کو جاتا ہے۔
بھارت کو عبرتناک شکست دینے پر وزیر خارجہ شاہ محمود قریشی کا کہنا تھا کہ شاہینوں نے یادگار کھیل کا مظاہرہ کرکے پوری قوم کے دل جیت لیے، بابر اعظم، محمد رضوان، شاہین آفریدی سمیت پوری ٹیم کو عمدہ کارکردگی کا مظاہرہ کرنے پر دلی مبارک باد پیش کرتا ہوں اور آئندہ آنے والے میچز میں پاکستانی ٹیم کی کامیابی کے لیے دعا گو ہوں۔
مزید پڑھیں: ٹی ٹوئنٹی ورلڈ کپ:پاکستان نے پہلے میچ میں بھارت کو 10وکٹوں سے شکست دیدی
