ضمنی انتخابات، کس شہر کی کون سی نشست پر پولنگ ہورہی ہے؟

اسلام آباد: پاکستان میں قومی و صوبائی اسمبلی کی 11 نشستوں پر آج ضمنی انتخابات کیلئے پولنگ کا آغاز صبح 8 بجے ہوا جو شام 5 بجے تک بلا تعطل جاری رہے گی۔

تفصیلات کے مطابق قومی اسمبلی کی نشستوں کیلئے مردان، چارسدہ، پشاور، فیصل آباد، ننکانہ صاحب، کراچی کے علاقے ملیر اور کورنگی، اور ملتان میں ضمنی انتخابات کا عمل جاری ہے۔مجموعی طور پر قومی اسمبلی کی 8 نشستوں کیلئے پولنگ ہورہی ہے۔

یہ بھی پڑھیں:

ضمنی انتخابات، عمران خان کونسے حلقے میں کس امیدوار کے مقابل؟

قومی و صوبائی اسمبلی کی نشستوں کیلئے لاکھوں کی تعداد میں رجسٹرڈ ووٹرز اپنا حقِ رائے دہی استعمال کریں گے۔ پنجاب اسمبلی کی 3 نشستوں کیلئے بھی ضمنی انتخابات کا معرکہ آج ہورہا ہے جس کیلئے پولنگ شیخوپورہ، خانیوال اور بہاولنگر میں جاری ہے۔قومی اسمبلی کی نشستوں کی صورتحال مندرجہ ذیل ہے:

خیال رہے کہ کراچی، ملتان اور پشاور سمیت ملک کے دیگر شہروں میں ضمنی انتخابات کیلئے پولنگ جاری ہے۔ چیئرمین پی ٹی آئی عمران خان 7 حلقوں میں امیدوار ہیں جبکہ دیگر حلقوں میں بھی اہم سیاسی شخصیات مدِ مقابل ہیں۔

ملتان کے حلقہ این اے 157 میں سابق وزیر اعظم یوسف گیلانی کے صاحبزادے موسیٰ گیلانی اور سابق وزیر خارجہ شاہ محمود قریشی کی بیٹی مہر بانو قریشی مدِ مقابل ہیں۔ عمران خان پشاور، کراچی اور فیصل آباد میں قومی اسمبلی کے مختلف حلقوں میں الیکشن لڑ رہے ہیں۔