گوگل نیوز پر ہمیں فالو کریںلاہور: چیئرمین پی ٹی آئی و سابق وزیر اعظم عمران خان نے کہا ہے کہ حکومت مجھے گرفتاری کے بعد ممکنہ طور پر قتل کردینا چاہتی ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ گزشتہ روز کی صبح سے ہی ہمارے کارکنان اور قیادت کو پولیس کے حملے کے بعد آنسو گیس اور شیلنگ کا سامنا ہے۔
پنجاب حکومت کی انتخابات کے انعقاد سے معذرت
ٹوئٹر پیغام میں چیئرمین پی ٹی آئی عمران خان نے کہا کہ ہماری قیادت اور کارکنان نے کیمیکل واٹر والی توپوں، ربڑ کی گولیوں اور بندوقوں کی گولیوں کا سامنا کیا۔ اب رینجرز نے کارروائی شروع کردی ہے۔
to those who claim they are "neutral": Is this your idea of neutrality, Rangers directly confronting unarmed protestors & ldrship of largest pol party when their ldr is facing an illegal warrant & case already in court & when govt of crooks trying to abduct & possibly murder him?
— Imran Khan (@ImranKhanPTI) March 15, 2023
پیغام میں سابق وزیر اعظم عمران خان نے کہا کہ رینجرز عوام کے ساتھ براہِ راست تصادم میں ملوث ہیں۔ میرا اسٹیبلشمنٹ سے سوال ہے کہ آپ تو خود کو نیوٹرل کہتے ہیں۔ کیا آپ کا غیر جانبداری کا رویہ یہی ہے؟ رینجرز نہتے عوام کے ساتھ براہِ راست تصادم کی حالت میں ہیں۔
چیئرمین پی ٹی آئی عمران خان نے کہا کہ ملک کی سب سے بڑی سیاسی پارٹی کا رینجرز سے تصادم کرایا جارہا ہے۔ ہمیں غیر قانونی وارنٹ کا سامنا ہے جبکہ کیس پہلے ہی عدالت میں زیر سماعت ہے۔ حکومت مجھے ممکنہ طور پر اغوا اور قتل کرنا چاہتی ہے۔
