عدالتی فیصلے کا بائیکاٹ، پی ٹی آئی کا پی ڈی ایم کیخلاف سخت ایکشن کا مطالبہ

اسلام آباد: پاکستان تحریکِ انصاف نے سپریم کورٹ کے فیصلے کا بائیکاٹ کرنے پر پی ڈی ایم کے خلاف سخت ایکشن لینے کا مطالبہ کیا ہے۔

تفصیلات کے مطابق گزشتہ روز سابق وفاقی وزراء اور پی ٹی آئی کے مرکزی رہنماؤں نے پریس کانفرنس کی۔ نائب چیئرمین تحریکِ انصاف شاہ محمود قریشی نے کہا کہ عدالتی فیصلے کا بائیکاٹ عدلیہ پر حملہ ہے۔

یہ بھی پڑھیں:

حکومتی اتحادیوں کا سپریم کورٹ فیصلے کے بائیکاٹ کا اعلان 

نائب چیئرمین پی ٹی آئی نے کہا کہ پی ڈی ایم سیاسی دیوالیہ پن کا مظاہرہ کر رہی ہے۔ عدلیہ پر حملہ ایگزیکٹو کی جانب سے کیا گیا۔ یہی جج حکمرانوں کے حق میں فیصلہ کریں تو مٹھائیاں بانٹی جاتی ہیں۔

سابق معاونِ خصوصی ڈاکٹر شہباز گِل نے کہا کہ پی ڈی ایم کا غیر فطری اتحاد بکھرتا ہوا دکھائی دے رہا ہے۔ اگر مرضی کے فیصلے سامنے نہیں آئے تو ان کو سپریم کورٹ میں اپنی مرضی کے جج چاہئیں۔

واضح رہے کہ سپریم کورٹ نے حکومت کی فل بینچ بنانے کی استدعا مسترد کردی تھی۔ سابق وزیرِ بحری امور علی زیدی نے کہا کہ سپریم کورٹ کے بائیکاٹ کے فیصلے پر عدلیہ کو سخت ایکشن لینا ہوگا۔