ملک بھر میں کورونا کے 371 نئے کیسز رپورٹ، 1مزید شہری جاں بحق

اسلام آباد: ملک بھر میں کورونا کے371 نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کے باعث 1مزید شہری جاں بحق ہو گیا۔

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 51ہزار251 افراد کورونا سے متاثر جبکہ 30 ہزار 470 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

یہ بھی پڑھیں:

پہلے ہیلتھ ڈائیلاگ میں شرکت، پاکستانی وفد واشنگٹن پہنچ گیا

گزشتہ 24 گھنٹوں کے دوران ملک بھر میں کورونا کی تشخیص کیلئے 13 ہزار 439ٹیسٹ کیے گئے جبکہ مثبت کیسز کا تناسب 2.76 فیصد رہا۔کورونا کے 184مریض انتہائی نگہداشت میں ہیں۔

COVID-19 Statistics 26 July 2022
Total Tests in Last 24 Hours: 13,439
Positive Cases: 371
Positivity %: 2.76%
Deaths: 01
Patients on Critical Care: 184

— NIH Pakistan (@NIH_Pakistan) July 26, 2022

دوسری جانب بلوچستان میں مون سون بارشوں اور سیلابی ریلوں سے 17 اضلاع میں وبائی مرض پھیل گیا۔ ڈائریا اور ہیضہ سے 11 افراد جاں بحق ہو گئے۔

بلوچستان میں حالیہ مون سون بارشوں کے بعد مختلف علاقوں میں پیٹ اور آنتوں کی بیماریاں پھیل گئیں۔ 10 دن کے اندر ڈائریا اور ہیضے سے 11 افراد زندگی کی باری ہار گئے۔ ژوب میں 9 افراد ڈائریا سے جبکہ خضدار میں 2 شہری ہیضہ سے جاں بحق ہوئے۔

خیال رہے کہ اس سے قبل مون سون بارشوں کے دوران بلوچستان میں 102 افراد مختلف حادثات کا شکار ہو کر جاں بحق ہوئے۔ صوبے کے مختلف اضلاع کو آفت زدہ قرار دے دیا گیا ہے۔