ملک میں شریف خاندان کا کوئی سیاسی مستقبل نہیں۔شیخ رشید

اسلام آباد: وفاقی وزیرِ داخلہ شیخ رشید احمد نے کہا ہے کہ پاکستان میں شریف خاندان کا کوئی مستقبل نہیں، انہیں مشورہ ہے کہ اچھے موقعے کا انتظار بھی چھوڑ دیں۔

شہرِ اقتدار میں پریس کانفرنس کے دوران گفتگو کرتے ہوئے وزیرِ داخلہ شیخ رشید احمد نے کہا کہ نواز شریف کے بغیر ملکی سیاست میں کوئی بڑی تبدیلی نہیں آئے گی۔ نواز، شہباز، مریم اور چوتھے شریف کا بھی سیاست میں مزید کوئی کردار نہیں۔

یہ بھی پڑھیں: 

مشکل وقت میں افغانستان کو تنہا نہیں چھوڑیں گے۔وزیراعظم

وفاقی وزیرِ داخلہ نے کہا کہ تحریکِ انصاف اپنی 5سالہ مدتِ اقتدار پوری کرے گی بلکہ اگلے عام انتخابات میں بھی پی ٹی آئی کی حکومت ہوگی۔ اپوزیشن جماعتیں مایوسی اور تناؤ کاشکار ہیں۔ وفاقی حکومت ریاستی امور کامیابی کے ساتھ چلا رہی ہے۔

وزیرِ داخلہ شیخ رشید نے کہا کہ اپوزیشن کو وارم اپ کیلئے مزید وقت چاہئے جوگزشتہ برس سے کہہ رہی ہے کہ پی ٹی آئی 5 سال پورے نہیں کرے گی۔ حزبِ اختلاف کی سیاسی جماعتوں کو حکومت کے متعلق کوئی غلط فہمی نہیں ہونی چاہئے۔

شیخ رشید احمد نے کہا کہ وزیر اعظم عمران خان کو خوش قسمتی سے نااہل اور غیر مؤثر اپوزیشن کا سامنا ہے۔ اپوزیشن ملک کی موجودہ صورتحال سمجھنے کے ویژن سے عاری ہے جس نے احتجاج کیلئے بھی غلط وقت کا انتخاب کیا۔