گوگل نیوز پر ہمیں فالو کریںبھارتی ریاست کرناٹک میں ایک معمولی تنازعہ خوفناک حادثے میں بدل گیا جب دو دوستوں کے درمیان سگریٹ لائٹر کے جھگڑے نے ایک کی جان لے لی۔ یہ دل دہلا دینے والا واقعہ کار کے ڈیش بورڈ کیمرے میں بھی ریکارڈ ہو گیا ہے جس کے مناظر دیکھنے والے دہل اٹھیں۔
تفصیلات کے مطابق 35 سالہ پرشانت اور اسکے دوست روشن کرکٹ میچ جیتنے کے بعد جشن منانے کے لیے شراب نوشی کر رہے تھے۔ اسی دوران سگریٹ لائٹر کے معاملے پر معمولی تلخ کلامی شروع ہوئی جو رفتہ رفتہ شدید جھگڑے میں بدل گئی۔
جھگڑے کے دوران دونوں نے ایک دوسرے پر بیئر کی بوتلیں پھینکیں جس کے نتیجے میں روشن زخمی ہوا۔ زخمی ہونے کے بعد روشن اپنی جان بچانے کے لیے اپنی کار کی طرف بھاگا لیکن پرشانت نے اسے روکنے کی کوشش کرتے ہوئے گاڑی کا دروازہ پکڑ لیا۔ حادثاتی صورتحال میں روشن نے پرشانت کو کار کے ساتھ گھسیٹتے ہوئے ایک درخت سے ٹکرا دیا جس سے پرشانت شدید زخمی ہو گیا۔
Drunk Driving Nightmare: Bengaluru Roads Claim Another Life in Shocking Car-Ramming Incident
Shocking incident from Bengaluru.
A drunken brawl turned deadly when Prashanth M (33), a bodybuilder, was killed after Roshan Hegde (37), a software engineer from Mangaluru, allegedly… pic.twitter.com/sJ2c3zldMM— Karnataka Portfolio (@karnatakaportf) January 26, 2026
پرشانت کو فوری طور پر اسپتال منتقل کیا گیا لیکن راستے میں ہی اس کی موت ہو گئی۔ روشن بھی متعدد زخموں کے باعث اس وقت پولیس کی تحویل میں ایک نجی ہسپتال میں زیرِ علاج ہے۔ پولیس نے واقعے کی رپورٹ درج کر کے تحقیقات شروع کر دی ہیں تاکہ حادثے کے تمام پہلو سامنے آ سکیں۔
یہ المناک واقعہ یہ یاد دلاتا ہے کہ معمولی جھگڑے اور جذبات کی شدت کس قدر خطرناک نتائج پیدا کر سکتی ہے اور دوستوں کے درمیان چھوٹی باتیں بھی جان لیوا ثابت ہو سکتی ہیں۔
