پاکستان میں کورونا کے 36 نئے کیسز رپورٹ، 105 مریضوں کی حالت تشویشناک

پاکستان میں کورونا کے 36 نئےکیسز رپورٹ ہوئے، گزشتہ 24 گھنٹوں کے دوران وائرس کے باعث کسی ہلاکت کی اطلاع موصول نہیں ہوئی جبکہ کورونا کے 105 مریضوں کی حالت تشویشناک ہے۔

تفصیلات کے مطابق ملک بھر میں کورونا کے نئے کیسز رپورٹ ہونے کا سلسلہ نہ رک سکا۔ نیشنل انسٹیٹیوٹ آف ہیلتھ کا کہنا ہے کہ گزشتہ 24 گھنٹوں کے دوران کورونا کے 7 ہزار 750 ٹیسٹ کیے گئے جن میں سے 36 مثبت نکلے۔

COVID-19 Statistics 7 May 2022
Total Tests in Last 24 Hours: 7,750
Positive Cases: 36
Positivity %: 0.46%
Deaths: 00
Patients on Critical Care: 105

— NIH Pakistan (@NIH_Pakistan) May 7, 2022

این آئی ایچ کے جاری کردہ اعدادوشمار کے مطابق ملک بھر میں گزشتہ 24 گھنٹوں کے دوران کورونا ٹیسٹ کا نتیجہ مثبت آنے کی شرح 0.46 فیصد رہی۔ کورونا کے 105 مریض انتہائی نگہداشت میں ہیں۔

دوسری جانب دنیا کی امیر ترین شخصیت بل گیٹس کا کہنا ہے کہ دنیا بھر میں لوگ کورونا وائرس کے ساتھ زندگی گزارنے سے تھک چکے ہیں مگر ابھی بھی مشکل دنوں کا سامنا ہوسکتا ہے، بل گیٹس نے اس حوالے سے خبردار کردیا۔

یہ بھی پڑھیں: پاکستان میں کورونا کے 30 نئے کیسز رپورٹ، 101 مریضوں کی حالت تشویشناک

بل گیٹس نے ایک انٹرویو کے دوران خبردار کیا کہ دنیا کو ابھی بھی کورونا کی وبا کے بدترین اثرات کا سامنا ہوسکتا ہے۔یہ خطرہ ابھی باقی ہے کہ کورونا کی ایک ایسی نئی قسم سامنے آجائے جو زیادہ متعدی اور زیادہ جان لیوا ہو۔

انہوں نے کہا کہ دنیا کو ایک اور وبا کے لیے گلوبل ایپیڈیمک ریسپانس اینڈ موبلائزیشن اینشیٹیو (جی ای آر ایم) کے ذریعے تیار ہونا چاہیے جس کا انتظام عالمی ادارہ صحت سنبھالے۔دنیا بھر کے ممالک اگر واقعی مستقبل کی وباؤں کو روکنا چاہتے ہیں تو ان کو اس حوالے سے زیادہ سرمایہ لگانا چاہیے۔