گوگل نیوز پر ہمیں فالو کریںراولپنڈی: ضلعی نظامت تعلیمات نے گورنمنٹ گرلز ایلیمنٹری اسکول ٹیکسلاکی 6خواتین اساتذہ کو مس کنڈکٹ اور فرائض میں عدم دلچسپی کے الزامات کے تحت فوری طور پر معطل کر دیا۔
معطل ہونے والی خواتین اساتذہ میں 4پی ایس ٹی اور2ای ایس ٹی کیڈرکی اساتذہ شامل ہیں جنہیں ڈسٹرکٹ ایجوکیشن اتھارٹی کے چیف ایگزیکٹو افسرکے اسکول کے اچانک دورے کے دوران فرائض میں مبینہ غفلت سامنے آنے پر معطل کیا گیا ہے۔
ڈسٹرکٹ ایجوکیشن افسر (ڈبلیو۔ای ای)نے اس ضمن میں باقاعدہ نوٹیفکیشن جاری کر دیا ہے، نوٹیفکیشن نمبر598/E-Iکے تحت مذکورہ اسکول کی ای ایس ٹی مسماۃ رخشندہ رانا کو اسکول کے اوقات کار کے دوران تدریسی فرائض کی ادائیگی کی بجائے اپنے بیٹے کی دیکھ بھال کے الزام میں معطل کیا گیا ہے۔
مزید پڑھیں:طارق لطیف اسلام آباد میں پارکنگ کے غیر قانونی ٹھیکے الاٹ کرگئے
