کراچی پریس کلب کے انتخابات، خودمختار پینل نے امیدواروں کا اعلان کردیا

کراچی: کراچی پریس کلب کے الیکشن کے سلسلے میں خودمختار (انڈی پینڈنٹ) پینل نے بھی اپنے امیدواروں کے ناموں کا اعلان کردیا۔

صدر کے لئے اے آر وائی نیوزکے ارباب چانڈیو، سیکرٹری کے لئے ابتک نیوز کے امتیاز حسین چانڈیو، نائب صدارت کے لئے 92 نیوزکے قاسم خان، ایف ایم 86 پوائنٹ ایٹ کے عطااللہ ذکی ابڑو جوائنٹ سیکرٹری، روزنامہ اوصاف کے مبشر فاروق خزانچی کے عہدوں کے لئے انتخاب میں حصہ لیں گے۔

گورننگ باڈی کے لئے خودمختار(انڈی پینڈنٹ) پینل کی جانب سے سے عابد حسین لودھی، ارشد یوسف زئی، عظمت خان، چاند نواب، خورشید انجم، عمیرعلی انجم اور قاضی حسن مقابلے میں شامل ہیں۔

کراچی پریس کلب میں سالانہ انتخابات 25 دسمبر بروز ہفتہ منعقد ہونگے، پولنگ صبح 9 بجے سے شام 5 بجے تک ہوگی، جس میں پندرہ سو تیس ووٹرز حق رائے دہی استعمال کرینگے۔

صدارتی الیکشن کیلئے ڈیموکریٹ کےفاضل جمیلی اور یونائیٹڈ جرنسلٹ پینل سے خورشید عباسی زور آزمائی کریں گے